Bıyl 60 adamdy kene shaqqan, olardyń 24-i – balalar. Qoǵamdyq densaýlyq saqtaý departamenti qyzmetkerleriniń aıtýlarynsha, óńir aýmaǵynyń basym bóligi týlıaremııanyń jáne kene bórtpe súzeginiń tabıǵı oshaǵy bolyp sanalady. Onyń ústine kúnniń kúrt jylýyna baılanysty qan sorǵysh jándikter erekshe qaýip tóndiredi. О́tken jyly týlıaremııanyń 1, kene ensefalıtiniń 3 jáne kene bórtpe súzeginiń 20 oqıǵasy tirkelgen.
«Kene arqyly taralatyn negizgi aýrýlar – vırýstyq kene ensefalıti, kene bórtpe súzegi, ıksodtyq kene borrelıozi, gemorragııalyq qyzbalar, kenelik teńbil bezgegi. Kene bórtpe súzegi kene shaqqannan keıin 2-7 kún ishinde bastalyp, dene qyzýynyń 38-40 gradýsqa deıin jetýi, álsizdik, bastyń jáne bulshyq etterdiń aýyrýy sekildi belgiler baıqalady. Teri bórtip, kóbinese keýdede, arqada, qoldarda paıda bolady», deıdi departamenttiń bólim jetekshisi Farıda Muhamedjanova.
2017 jylmen salystyrǵanda byltyr kene shaǵý oqıǵasy 300-ge artqan. Osy sebepti mamandar ormanǵa, tabıǵat aıasyna serýendeýge shyqqanda muqııat bolýdy, saqtyq sharalaryn barynsha eskerýdi, jabyq kıim kıip, repellenterdi qoldanýdy eskertedi.
