– Qazaqstandaǵy kezekten tys Prezıdent saılaýy demokratııaly túrde, ádil ótti dep tolyq senimmen aıta alamyn. Bul jetistigimen baýyrlas memleketti quttyqtaımyn.
Saılaý – memlekettiń táýelsizdigi sekildi asa mańyzdy shara. Qazaqstan Respýblıkasynyń taǵy bir jańa paraǵy ashyldy. Shırek ǵasyrda adam balasynyń ózi jete bermeıtin saıasat, ekonomıka turǵysynan úlken jetistikterdi baǵyndyrdy, ekonomıkalyq áleýeti aıtarlyqtaı jaqsardy. Munyń barlyǵy asa qurmetti Nursultan Nazarbaevtyń arqasynda dep oılaımyn. Tuńǵysh Prezıdent Memleket basshysy laýazymynan ketse de memleket qurýshy kóshbasshy retinde qala bermek.
Jańa saılanǵan Prezıdent Qasym-Jomart Toqaevty saılaýdaǵy jeńisimen quttyqtaımyn. Barlyǵymyz ony tájirıbeli saıasatker, memleket adamy retinde tanımyz. Qazaqstannyń odan ári ósip-órkendegen damyǵan memleket bolatynyna senemin.
Táýelsiz baıqaýshy retinde aıtarym, Qazaqstandaǵy saılaý mádenıeti men sharanyń ótkizilýi basqa memleketter úshin úlgi bola alady. Árıne, Túrkııanyń demokratııalyq tarıhy Qazaqstanǵa qaraǵanda óte erte zamanda bastalǵan. Buǵan qaramastan, Qazaqstannan da úırenerimiz kóp. Birneshe saılaý ýchaskesinde boldyq, daýystardy sanaýǵa qatystyq. Ár ýchaskede 1-2 saǵattan boldyq. Ol jerde partııa atynan kelgen baıqaýshylardy da kezdestirdik. Barlyǵy zań aıasynda boldy, quqyq buzýshylyq oryn alǵan joq.
Hasan KANBOLAT,
Ankara saıasat ortalyǵynyń dırektory
