Jıynda Nazarbaev Zııatkerlik mektepteri bilim berýdiń jańartylǵan mazmunyna arnalǵan shyǵarmashylyq alań usynady. Kórmede «Jaratylystaný» bilim berý oblysy boıynsha jańartylǵan bilim berý standarttarynyń negizgi tujyrymdamalaryna negizdelgen oqytýdyń jańashyl ádis-tásilderi tájirıbelik jumystar arqyly kórsetiledi.
Bastaýysh bilim berý alańynda sheberlik synyptaryna qosa «Nazarbaev Zııatkerlik mektepteri» DBBU Balapan TV arnasymen birlesip ázirlegen «Jaratylystaný» páni oqý baǵdarlamasynda qarastyrylatyn zertteý jumystary baıandalatyn beınefılmder kórsetiledi. Sonymen qatar, kórmede 40 tájirıbe men eksperımentterdiń sıpattamasy keltirilgen praktıkalyq jumystar jınaǵy usynylady.
Buǵan qosa, kórme jumysy barysynda fızıka, hımııa, bıologııa, ınformatıka pánderin aǵylshyn tilinde oqytýǵa arnalǵan oqý materıaldarynyń medıa-kitaphanasy jáne BUU halyq qonystaný qorymen birlesip júzege asyrylyp jatqan oqýshylardyń reprodýktıvti densaýlyǵy jaıly suraqtaryn jalpy bilim berý mektepteriniń oqý úrdisine kiriktirý jobasy usynylady.
Munda pedagogıkalyq sheberlik ortalyqtary trenerleriniń qatysýymen ádistemelik alań qurylady. Bul jerde 5-7 mınýt bolatyn taqyryptyq sheberlik synyptary jumys isteıdi.
Konferensııa sheńberinde oqý jáne ǵylymı ádebıetterdiń kórmesi bolmaq. Munda kitap alǵysy keletin jandarǵa bar múmkindik jasalǵan.
Plenarlyq otyrys barysynda eńbegimen kózge túsken muǵalimderdi memlekettik nagradalarmen marapattaý rásimi ótedi.
26 tamyz kúni elimizdiń barlyq óńirindegi 30 pılottyq mektep negizinde muǵalimderge arnalǵan taqyryptyq alańdar ótkiziledi. Sharaǵa orta mektepterdiń tórtinshi synyp muǵalimderi men mektepke deıingi synyptardyń 17 myńǵa jýyq ustazyn tartý josparlanǵan. Qatysýshylar Nazarbaev Zııatkerlik mektepteriniń úzdik oqytýshylary jáne oblystyq pedagogıkalyq sheberlik ortalyǵynyń trenerleri uıymdastyrǵan taqyryptyq seksııalarǵa bara alady. Seksııalyq sabaqtardyń jumysy barysynda muǵalimder jańartylǵan bilim berý mazmuny baǵdarlamalarynyń erekshelikterimen, ınnovasııalyq formalarymen jáne mazmundy jańartý jaǵdaıynda oqý prosesin uıymdastyrýdyń tásilderimen tanysady.
Sondaı-aq, 27 tamyzda Nazarbaev Zııatkerlik mektepteri bazasynda aımaqtyq konferensııalar uıymdastyrylady. Oǵan orta mektepterdegi 9-10 synyptardyń 14 myńnan astam muǵalimi qatysady. Konferensııada ustazdar jańartylǵan bilim berý baǵdarlamasy aıasyndaǵy oqý josparlarynyń erekshelikterin qarastyrady. Nazarbaev Zııatkerlik mektepteriniń muǵalimderi qatysýshylarǵa oqýshylardy oqytýdyń jańa ádisteri men zamanaýı oqytý formalarymen tanystyratyn sheberlik saǵattaryn uıymdastyrady.
