Ákim óz baıandamasynda ótken jyly sheshilgen jáne sheshýin kútetin mańyzdy máselelerdi sholdy. Olardyń ishinde tabıǵı gaz, aýyzsý jáne jaryqtandyrý, sondaı-aq mektep ǵımaraty sııaqty qordalanǵan máseleler kóptiń talqysyna tústi.
– Aýdan aýmaǵy boıynsha 22 eldimeken aýyzsýmen qamtylsa, al 12 eldimeken qudyq jáne tasymal sý paıdalanady. 2019 jyldyń sońynda aýdan aýmaǵy boıynsha 24 eldimeken (78,5%), tolyq aýyz sýmen qamtyldy», - dedi Ǵalymjan Ánýaruly.
Ákim aýdan aýmaǵyndaǵy 24 eldimeken (67,1%) memlekettik elektr jaryǵymen, 25 eldimeken (82,2%) tabıǵı gaz júıesimen qamtylǵanyn da tilge tıek etti.
Bıylǵy eseptik kezdesýlerdiń bir ereksheligi sol, ákimniń baıandamasynan keıin eshqandaı jaryssóz bolmady. Birden suraq-jaýapqa ótti. Qazyǵurt shaǵynaýdanynyń ardagerler keńesiniń tóraǵasy Satybaldy Ádilbekuly Qursaı eldimekenindegi 900 oryndy №49 mektepte 3000-nan asa oqýshy 4 aýysymmen bilim alyp jatqanyn jetkizdi. Budan bólek, turǵyndar 700 myń halyq sany bar eldimekenge zamanaýı jańa emhananyń, ýchaskelik polısııa pýnktiniń qajettigin alǵa tartty.
Aýdan ákimi barlyq máselelerdi muqııat tyńdap, sheshimin tabýyna tikeleı atsalysatynyn aıtty. Bıyl Qazyǵurt shaǵynaýdanynda jańadan Halyqqa qyzmet kórsetý ortalyǵynyń ashylatynyn da súıinshileı ketti.
