2013 jylǵy 10 shilde, Astana, Úkimet Úıi
Jylý energııasyn paıdalaný qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 19) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jylý energııasyn paıdalaný qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 10 shildedegi №712 qaýlysymen bekitilgen
Jylý energııasyn paıdalaný qaǵıdalary
1. Jalpy erejeler
1. Osy Jylý energııasyn paıdalaný qaǵıdalary (budan ári - Qaǵıdalar) «Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 19) tarmaqshasyna sáıkes ázirlendi jáne jylý energııasyn paıdalaný tártibin aıqyndaıdy.
2. Osy Qaǵıdalarda mynadaı uǵymdar men anyqtamalar qoldanylady:
1) eseptik kezeń – tutynylǵan jylý energııasy esepke alynatyn jáne tutynýshyǵa tólemge usynylatyn jylý energııasyna shartpen aıqyndalatyn ýaqyt kezeńi;
2) jylý jelisiniń balanstyq tıesiligi – energııa óndirýshi, energııa berýshi uıymdardyń jáne tutynýshyǵa menshik quqyǵynda nemese ózge de zańdy negizde tıesili jylý jelisiniń ýchaskesi;
3) jylý jelisiniń balanstyq tıesiliginiń shekarasy – jylý jelisiniń, onyń balanstyq tıesiligine sáıkes energııa óndirýshi, energııa berýshi uıymdar men tutynýshy arasyndaǵy jylý jelisiniń bólinis núktesi (syzyǵy);
4) jylý tasmaldaǵyshtyń shyǵysy – ýaqyt birligi ishinde qubyrdyń kóldeneń qıylysy arqyly ótken jylý tasymaldaǵyshtyń massasy (kólemi);
5) jylý tutyný júıesi – bir nemese birneshe jylý júktemesi túrlerin tutynýǵa arnalǵan jylý tutyný qondyrǵylarynyń kesheni;
6) jylýmen jabdyqtaý júıesi – jylý kózderiniń, jylý jelileriniń jáne jylý tutyný qondyrǵylarynyń jıyntyǵy;
7) jylý energııasyna arnalǵan tarıf tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn memlekettik organ bekitken jylý energııasy qunynyń aqshalaı máni;
8) jylý júktemesi – ýaqyt birligi ishinde jylý tutyný qondyrǵysy qabyldaı alatyn jylý energııasynyń mólsheri;
9) jylý jelisi – jylý energııasyn berýge, taratýǵa arnalǵan qurylǵylar jıyntyǵy;
10) jylý energııasy – tutyný kezinde jylý tutynatyn qondyrǵynyń termodınamıkalyq parametrleri (temperatýra, qysym) ózgeretin, jylý tasymaldaǵysh beretin energııa;
11) jylý tasymaldaǵysh – jylý energııasyn berý úshin jylýmen jabdyqtaý júıesinde paıdalanylatyn zat (sý, bý);
12) jylý tutyný qondyrǵysy – jylý energııasyn tutynýshynyń qajettiligi úshin jylý energııasyn, jylý tasymaldaǵyshty paıdalanýǵa arnalǵan qurylǵy;
13) jylýmen jabdyqtaý – tutynýshylarǵa jylý energııasyn berý jónindegi is-sharalar;
14) qosalqy tutynýshy – jylý qondyrǵylary tutynýshynyń jylý jelilerine qosylǵan tutynýshy;
15) ólsheý quraldaryn tekserý – ólsheý quraldarynyń (kommersııalyq esepke alý aspabynyń) belgilengen tehnıkalyq jáne metrologııalyq talaptarǵa sáıkestigin aıqyndaý men rastaý maqsatynda memlekettik metrologııalyq qyzmet nemese basqa da akkredıttelgen zańdy tulǵalar oryndaıtyn operasııalar jıyntyǵy;
16) energetıkalyq saraptama – jumys istep turǵan obektiler, qaıta jańartylatyn, jańǵyrtylatyn jáne jańadan salynyp jatqan obektilerdiń jobalary boıynsha, jylý jelilerindegi energetıkalyq jabdyqtardaǵy tehnologııalyq buzylýlar men avarııalardy tekserý kezinde, sondaı-aq olardaǵy óndiristik jaraqat alý jaǵdaılarynda Qazaqstan Respýblıkasynyń normatıvtik quqyqtyq aktilerine sáıkestiligine elektr energetıkasy salasynda júrgiziletin saraptama;
17) tehnıkalyq sharttar – jylý jelilerine qosý úshin qajetti tehnıkalyq talaptar;
18) tólem qujaty – onyń negizinde tutynylǵan jylý energııasy úshin tutynýshy tólem júrgizetin qujat (esep, habarlandyrý, túbirtek, esep-eskertý);
19) tutynýshy – shart negizinde jylý energııasyn tutynatyn jeke nemese zańdy tulǵa;
20) esepke alý toraby – jylý energııasyn esepke alýdy qamtamasyz etetin aspaptar men qurylǵylar júıesi;
21) sarapshy uıym – elektr energetıkasy máseleleri boıynsha energetıkalyq saraptama júrgizý úshin akkredıttelgen uıym;
22) energııamen jabdyqtaýshy uıym – satyp alynǵan jylý energııasyn tutynýshylarǵa satýdy júzege asyratyn uıym;
23) energııa berýshi uıym – jylý energııasyn tutynýshylarǵa berýdi sharttar negizinde júzege asyratyn uıym;
24) energııa óndir
ýshi uıym – jylý energııasyn óz qajettilikteri jáne (nemese) ótkizý úshin óńdirýdi júzege asyratyn uıym.
2. Jylý energııasyn paıdalaný tártibi
3. Jylý energııasyn paıdalaný úshin tutynýshy qoldanystaǵy energııa berýshi (energııa óndirýshi) uıymnyń jylý jelilerine qosylýy jáne energııamen jabdyqtaýshy uıymmen jylýmen jabdyqtaý shartyn jasasýy qajet.
4. Qoldanystaǵy jylý jelilerine qosylý jáne jylýmen jabdyqtaýǵa shart jasasý tehnıkalyq sharttar talaptary oryndalǵannan keıin júzege asyrylady.
5. Tutynýshylardyń obektilerin energııa berýshi (energııa óndirýshi) uıymnyń jylý jelilerine qosýǵa arnalǵan tehnıkalyq sharttar mynadaı jaǵdaılarda beriledi:
1) jańadan paıdalanýǵa berilgen obektilerdi jylý jelilerine qosý;
2) tutynylatyn energııa mólsheriniń nemese jylý tutynýshy qurylǵynyń qaıta jańartylýyna nemese keńeıýine baılanysty tehnıkalyq sharttarda jáne sharttyń talaptarynda belgilengennen joǵary jylý tasymaldaǵysh parametrleriniń ózgerýi;
3) syrtqy jylý jabdyqtaýshy shemasynyń ózgerýi;
4) buryn jylý júıelerine qosylmaǵan obektilerdi qosý.
6. Tehnıkalyq sharttardy alý úshin tutynýshy energııa berýshi (energııa óndirýshi) uıymǵa ótinim beredi. О́tinimde mynalar kórsetiledi:
1) obektiniń ataýy;
2) obektiniń ornalasqan orny;
3) tapsyrys berýshi uıymynyń tolyq ataýy, mekenjaıy men telefony;
4) joba bolǵan jaǵdaıda, jobalanatyn obektini sıpattaıtyn derekter (energııany turmystyq tutynýǵa paıdalanatyn tutynýshylar úshin tehnıkalyq pasport)
7. Energııa berýshi (energııa óndirýshi) uıym tutynýshydan ótinimdi alǵannan keıin on tórt jumys kún ishinde tutynýshyny jylýmen jabdyqtaý jelisine qosýǵa arnalǵan tehnıkalyq sharttardy beredi.
8. Energııa berýshi uıym tutynýshylar Qazaqstan Respýblıkasynyń normatıvtik quqyqtyq aktilerinde belgilengen talaptardy oryndaǵan jaǵdaıda, olardy jylý jelilerine qosýdan, sondaı-aq olarǵa jylý energııasyn berýden bas tartýǵa quqyǵy joq.
9. Tutynýshy obektisin jylý jelilerine qosýǵa arnalǵan tehnıkalyq sharttarda mynalar kórsetiledi:
1) jylýmen jabdyqtaý kózi, jylý jelilerine qosý núktesi, beriletin jylý energııasynyń sapasy;
2) basqa tutynýshylardyń júktemelerin eskere otyryp, negizgi jáne rezervtegi iske qosý núktelerindegi jylý tasymaldaǵyshtyń parametrleri men gıdravlıkalyq rejımi;
3) qajet bolǵan jaǵdaıda, basqa tutynýshylardyń júktemelerin qosý perspektıvasyn eskere otyryp, negizgi tutynýshynyń júktemesi;
4) qaıtarylatyn óndiristik kondensattyń sany, sapasy jáne qaıta aıdaý rejımi, qajet bolǵan jaǵdaıda, kondensatty jınaý jáne qaıtarý shemasy;
5) jylý energııasyn kommersııalyq esepke alý aspaptaryn ornatý jónindegi talaptar (jylý tutynýdy retteýdiń avtomattandyrylǵan júıesin ornatý keminde 50 kVt ortasha saǵattyq jylý energııasyn tutynatyn obektilerge qoldanylmaıdy);
6) jylý jelilerin tóseý tásili;
7) jylytý-jeldetý men tehnologııalyq júktemelerdi jáne ystyq sýmen jabdyqtaý júktemesin qosý shemasy;
8) temperatýralyq keste men jelilik sýdyń shyǵysy;
9) salynyp jatqan nemese qaıta jańartylyp jatqan jylý jelileriniń balanstyq jáne paıdalaný tıesililigi men taraptardyń paıdalaný jaýapkershiliginiń shekaralary.
10. Tehnıkalyq sharttardyń qoldanylý merzimi QR QN 1.02-01 2008 jobalaý normalarynyń, QR QNjE 1.04.03 2008 qurylys tıesiliginiń normalarynyń talaptaryna sáıkes aıqyndalady, biraq bir jyldan kem emes.
11. Jylý tutynatyn qondyrǵylary tutynýshylardyń jelilerine qosylatyn qosalqy tutynýshylar tehnıkalyq sharttardy energııa berýshi (energııa óndirýshi) uıymnan alady jáne tutynýshymen kelisedi.
12. Obekt ıesi ózgergen jaǵdaıda, jańa múlik ıesi múlik quqyǵy tirkelgen sátten bastap on jumys kúni ishinde jazbasha nysanda energııa berýshi (energııa óndirýshi) jáne energııamen jabdyqtaýshy uıymǵa obekt ıesiniń aýysqandyǵy týraly habarlaıdy. Tutynýshyǵa buryn berilgen tehnıkalyq sharttardy, aktiler men sharttardy qaıta resimdeý tek menshik ıesiniń aýysýy bóliginde ǵana júzege asyrylady.
13. Tehnıkalyq sharttardy berý jáne qaıta resimdeý úshin aqy alynbaıdy.
14. Tehnıkalyq sharttarda kórsetilgen talaptardyń negizdiligine kúmán týyndaǵan jaǵdaıda, tutynýshy sarapshy uıymǵa energetıkalyq saraptama júrgizý úshin júginedi. Tutynýshynyń ótinishi negizinde sarapshy uıym energııa berýshi (energııa óndirýshi) uıymǵa júginýi kezinde energııa berýshi (energııa óndirýshi) uıym barlyq suratylǵan málimetterdi beredi.
15. Tutynýshy tehnıkalyq sharttardy nemese tehnıkalyq sharttarda kórsetilgen talaptardy berýden bas tartýynyń negizdelmegendigi týraly sarapshy uıymnyń oń qorytyndysy
