2013 jylǵy 10 shilde, Astana, Úkimet Úıi
Elektr energııasyn paıdalaný qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 18) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Elektr energııasyn paıdalaný qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy №713 qaýlysymen bekitilgen
Elektr energııasyn paıdalaný qaǵıdalary
1. Jalpy erejeler
1. Osy Elektr energııasyn paıdalaný qaǵıdalary (budan ári – Qaǵıdalar) «Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 18) tarmaqshasyna sáıkes ázirlendi jáne elektr energııasyn paıdalaný tártibin aıqyndaıdy.
2. Osy Qaǵıdalarda paıdalanylatyn negizgi uǵymdar men anyqtamalar:
1) balanstyq tıesilik – energııa óndirýshi, energııa berýshi uıymdarǵa jáne tutynýshyǵa menshik quqyǵynda nemese ózge de zańdy negizde tıesili elektr jelisiniń ýchaskesi;
2) balanstyq tıesilik shekarasy – onyń balanstyq tıesiligine sáıkes energııa óndirýshi, energııa berýshi uıymdar men tutynýshy arasyndaǵy elektr jelisiniń bóliný núktesi (syzyǵy);
3) taraptardyń paıdalaný jaýapkershiliginiń shekarasy – energııa óndirýshi, energııa berýshi uıymdar men tutynýshylar arasyndaǵy taraptardyń paıdanalý jaýapkershiligin aıqyndaıtyn elektr jelisiniń bóliný núktesi (syzyǵy);
4) elektrmen jabdyqtaý sharty – oǵan sáıkes energııamen jabdyqtaýshy uıym tutynýshyǵa qosylǵan elektr jelisi arqyly energııa berýge mindettenetin, al tutynýshy qabyldanǵan elektr energııasyn tóleýge, sondaı-aq ony tutynýdyń shartpen kózdelgen rejımin saqtaýǵa, onyń qaramaǵyndaǵy elektrlik jelilerdi paıdalaný qaýipsizdigi men olar paıdalanatyn aspaptar men elektr energııasyn tutynýmen baılanysty jabdyqtardyń durystyǵyn qamtamasyz etýge mindettenetin kelisim;
5) sharttyq qýat – tutynýshynyń energııamen jabdyqtaýshy uıymmen kelisilgen bir saǵat ishinde paıdalanatyn elektr energııasynyń ortasha mólsheri;
6) tólem qujaty – onyń negizinde tutynýshy tólem júrgizetin qujat (esep, habarlandyrý, túbirtek, esep-eskertý);
7) plombalaý – elektr tehnıkalyq jabdyǵyna ruqsatsyz túsýine bóget jasaıtyn jáne eger de osyndaı qurylǵyny ruqsatsyz ashý bolǵan jaǵdaıda aralasý faktisin kózben sholýǵa múmkindik beretin bir ret qoldanylatyn mehanıkalyq qural qondyrǵysy;
8) tutynýshy – shart negizinde elektr energııasyn tutynatyn jeke nemese zańdy tulǵa;
9) kommersııalyq esepke alý aspaby – Qazaqstan Respýblıkasynyń zańnamasynda belgilengen tártippen koldanýǵa ruqsat etilgen elektr energııasyn kommersııalyq esepke alýǵa arnalǵan tehnıkalyq qurylǵy;
10) kommersııalyq esepke alý shemasyn qabyldaý – kommersııalyq esepke alý aspabyn qosý shemasyn tekserý jáne plombalaý;
11) elektr energııasyn qabyldaǵysh (elektr qabyldaǵysh) – elektr energııasyn energııanyń basqa túrine ózgertýge arnalǵan apparat, agregat, mehanızm;
12) tutynýshynyń elektr qondyrǵylarynyń qosylǵan qýaty – elektr jelisine qosylǵan tutynýshynyń elektr qabyldaǵyshtarynyń jalpy qýaty;
13) kommersııalyq esepke alý shemasyn tekserý – korpýstyń plombalarynyń, bekitpeleriniń, opyrylyp qalýlarynyń jáne ólsheý aspaptaryn paıdalanýmen kommersııalyq esepke alý aspaptaryn qosý shemasyn kózben sholyp qaraý;
14) eseptik kezeń – tutynylǵan elektr energııasy esepke alynýy jáne tutynýshyǵa tóleý úshin usynylýǵa tıis elektrmen jabdyqtaý shartymen aıqyndalatyn ýaqyt kezeńi;
15) qosalqy tutynýshy – tutynýshynyń elektr jelilerine tikeleı qosylǵan tutynýshy;
16) elektr energııasy naryǵynyń sýbektileri – energııa óndirýshi, energııa berýshi, energııa jabdyqtaýshy uıymdar, elektr energııasyn tutynýshylar, júıelik operator, elektr energııasynyń ortalyqtandyrylǵan saýda operatory;
17) kommersııalyq esepke alý aspabynyń qosylý shemasy – berilgen jáne tutynylǵan elektr energııasyn olarǵa esep aıyrysýlar úshin esepke alýdy qamtamasyz etetin qosylǵan elektr energııasyn esepke alý aspabynyń elektr jelisine belgili bir elektr qosylýy;
18) tehnologııalyq bron – tehnologııalyq prosesterdi aıaqtaý úshin tutynýshyǵa qajetti elektr energııasynyń qýaty men kólemi;
19) tehnıkalyq sharttar – elektr jelilerine qosylý úshin qajetti tehnıkalyq talaptar;
20) qosylý núktesi – qoldanystaǵy elektr
