Osyǵan baılanysty Qazaqstan Respýblıkasy Indýstrııa jáne ınfraqurylymdyq damý mınıstrliginiń Kólik komıteti jyl saıyn 1 maýsymnan 31 tamyzǵa deıin «Skýter» respýblıkalyq aksııasyn ótkizedi.
Shara maqsaty - shaǵyn kólemdi kemelerdi qaýipsiz paıdalanýdy qamtamasyz etý, eldiń sý aıdyndarynda apattyq jaǵdaılar men ekologııalyq qaýip-qaterdi boldyrmaý, jazataıym oqıǵalar men adamdardyń qaza bolýyn azaıtý.
Osy is-sharalardy ótkizý barysynda shaǵyn kólemdi kemelerdi qaýipsizdik talaptaryna sáıkestigin tekserý josparlanyp otyr. Atap aıtqanda, qutqarý quraldarynyń bolýy, júrgizý quqyǵy bar tulǵalardyń kemelerdi basqarýy, tirkelgen kemelerdi paıdalaný jáne t.b. tekseriledi.
«Skýter» aksııasy - sý kóligin qaýipsiz paıdalanýdy qamtamasyz etý maqsatynda Kólik komıteti júzege asyratyn 2020 jylǵa arnalǵan flottaǵy apattyń aldyn alý jónindegi ic-sharalar josparynyń bóligi. Kólik komıtetiniń aýmaqtyq organdarynyń tekserýlerimen qatar, shaǵyn kólemdi kemelerdiń qaýipsiz paıdalanylýyn retteıtin zańnama talaptaryn túsindirý maqsatynda keme ıelerine, shaǵyn kólemdi kemeler men demalys oryndary ıelerine arnap profılaktıkalyq jumystardy júrgizý josparlanyp otyr.
Sonymen qatar Kólik komıteti demalys kezinde sý qoımalarynda qaýipsizdik erejelerin saqtaý mańyzdy ekenin eske salady. Kópshilik demalatyn oryndarda:
- balalardy eresekterdiń qaraýynsyz shomylýǵa jol bermeý;
- motorly, eskekti qaıyqtarǵa jáne basqa da júzý quraldaryna jaqyn júzýge;
- osy maqsattar úshin beıimdelmegen qurylystardan sýǵa sekirýge;
- mas kúıinde shomylýǵa;
- bórenelerde, taqtalarda, jatyqtarda, avtomobıl kameralarynda, úrlengen matrastarda júzýge;
- eskertý jáne tyıym salý belgileri men jazýlary bar qalqandar qoıylǵan oryndarda shomylýǵa;
- qutqarý keýdeshesiz shaǵyn kólemdi kemelerge otyrýǵa tyıym salynady.
Eger sý kóligindegi qaýipsizdik erejeleri buzylǵan oqıǵalardyń kýágeri bolsańyzdar, Kólik komıtetiniń Ahýaldyq ortalyǵynyń táýlik boıy jumys isteıtin senim telefonyna habarlasýyńyzdy suraımyz: 98-35-35, sondaı-aq foto jáne beıne materıaldardy What'sApp messenger arqyly 8-708-088-08-00 nómirine jiberýge bolady.
