Basty mindet – jazylýshyǵa jaqsy qyzmet kórsetý

Basylymdarǵa jazylym naýqany bastalar sátte arnaıy buıryq shyǵarylyp, barlyq mekemelerge hat retinde joldanady. Bul shara jylyna eki márte uıymdastyrylǵanmen ár aı saıyn da jazylym jumys­tary jalǵasa beredi.

Alaıda qazirgi tańda bas­pasózge jazylýda eń úlken bir qıyndyq  bilim berý meke­me­­lerine qatysty bolyp otyr. Sebebi, «gazet-jýr­nal­ǵa muǵa­limder men balabaq­sha tár­bıe­shilerin kúshtep jaz­dy­rý­ǵa bolmaıdy», degen ere­jeni kóldeneń tartqan ujym bas­shylary bizben ońaı­lyq­pen kelisimshartqa tura qoı­maı­dy. Ekinshiden ákimdik tara­py­nan eshqandaı qoldaý kórsetilmeıdi. Kóbine jeke tul­ǵalardyń óz qalaýyna qal­dyryp jatady. Sondyq­tan bıyl qaǵaz basylymdar­dyń tırajy kúrt tómendep ketti. Kóbine zańdy tulǵalarmen jumys istegendikten olarmen kepildeme hatpen jazylym qabyldap alamyz. Máse­len, 60 kún dep alsaq, keıde sonyń ózi 6 aıǵa sozylyp ketip jatady. Bıýdjettik me­ke­­­me­ler­den jazylym aqy­sy ýaqtyly aýdarylmaıdy. Ese­sine redaksııalarǵa óz ese­bimiz­den qarjyny ýa­qtyly aýdar­ǵanmen, eki ortada biz qınalyp jatamyz.

Oblys kóleminde Qazposhta fılıalymen qatar jazylym ju­­mystaryn júrgizetin 10 bá­se­­keles mekeme bar. Olar túr­li syıaqylar, jeńildikter qaras­tyrý arqyly bizdiń jazy­lý­shy­lary­myzdy ózderine tartyp alýda. Degenmen, buryn­nan beri is­kerlik baılanys­ta ju­mys istep kele jatqan «Qa­zaq­­stan temir joly, «Pet­ro­Qazaq­stan» sekildi ujym­dar áli de Qaz­poshta qyzmetine júginýde.

Shalǵaıdaǵy eldi mekenderge gazet-jýrnal jetkizýde bas­qa me­ke­meler bizge básekeles bo­­la al­maıdy. Anyǵynda, biz ap­­­t­a­syna alty ret, karantın jaǵ­­­daıynda aýdandarǵa bes ret­­ten jetkizý jumysyn jolǵa qoı­­dyq. Aýyldyq ákimdikter, balabaq­­shalar, mektepter men aýrý­­h­a­nalar Qazposhta arqyly jazylady.

Elimizdiń bas basylymy «Egemen Qazaqstan» gazeti kún­delikti jaryq kóretin­dik­ten, oqyrmanǵa jyldam jet­kizý úshin barymyzdy sala­myz. Sebebi, ǵasyrlyq tarı­hy bar gazette saıası, ekono­mıkalyq, áleýmettik ma­ńyzdy jańalyqtar, sarap­tamalar kóptep jaryq kóredi. Ony jazylýshy patsha kóńil oqyr­manǵa jetkizý árbir Qazposhta qyzmetkeriniń mindeti.

Bizdiń turǵylyqty jazylýshylarymyz túrli mekeme qyzmetkerleri men zeınetkerler bolǵandyqtan gazettiń ýaq­tyly jetkenin baqylap, keri baılanysqa shyǵyp turady. Sol sebepti, gazettiń óńirdegi til­shileri arqyly gazettiń kún­delikti jaryq kórgennen bas­tap, keshikpeı taralýyna deıin qadaǵalap otyramyz.

Qazirgi tańda poshta ón­diristik logıstıka bóliminiń bas­shysy bolyp jumys isteı­min. Barlyq poshta jóneltim­deriniń kelip-ketýin, ýaqtyly jetkizilýin qadaǵalap oty­ramyz. Sondaı-aq ár aptada aýdan, aýyldarǵa 5 retten jet­­ki­zý qyzmetin usynamyz.

Qaldygúl SABDENOVA,

«Qazposhta» AQ Ońtústik Qazaqstan oblystyq fılıalynyń óndiristik logıstıka bóliminiń basshysy