Ol metall, plastık, shyny, qaǵaz jáne basqa da qaldyqtardy jınaýǵa arnalǵan ydystarmen jabdyqtalǵan.
"Polıgon qoqysqa tolyp ketti. Biz ol máseleniń sheshimin taba aldyq. Kelisim aıasynda suryptaý jelisi ashyldy", dedi Balqash qalasynyń ákimi Oraz Taýrbekov.
Qaıta óńdeletin barlyq zattar jalpy qaldyqtardan alynady. Keıinnen ol qabyldaý pýnktterine óńdeýge jiberiledi. Qalǵan turmystyq qaldyqtar kómý úshin polıgonǵa ketedi.
Bolashaqta organıkalyq qaldyqtardy joıýǵa arnalǵan ınsıneratorlyq qurylǵylardy qoldaný nusqasy qarastyrylýda.
О́tken jyly polıgon senimgerlik basqarýǵa berilgen. Kásipker óz qarajaty esebinen alańdy qorshady, suryptaý syzyǵy men qaldyqtardy órteýge arnalǵan jabdyqtar satyp aldy. Qaldyqtardyń basqa túrlerin, sonyń ishinde avtomobıl dóńgelekteri men qurylys qaldyqtaryn óńdeýdi uıymdastyrý josparlanýda. Sonymen qatar ol azamattarǵa turmystyq qaldyqtardy suryptaýdy úıretýdi kózdeıdi.
