«Siemens AG» kompanııasymen onlaın-dıalog ótti

Is-sharaǵa nemis tarapynan joba­lyq komandanyń basshysy Metıý Vatson jáne Úkimettermen baılanys jónindegi syrtqy qatynastar bóliminiń basshysy Krıstıan Medsen, Qazaqstan tarapynan mınıstrlik ókilderi, «QazIndustry» QIEO» AQ tóraǵasynyń orynbasary T.Muqanov jáne «ITP» DKQ bas dırektory A.Sembın qatysty.

Dıalog barysynda qazaqstandyq tarap «Siemens AG» kompanııasynyń nazaryna otandyq ónerkásipti damy­tý­dyń negizgi úrdisteri, mınıstrliktiń osy sala­daǵy qysqamerzimdi jáne stra­tegııalyq josparlary, ónerkásiptik kásiporyndardyń problemalary, sondaı-aq memlekettik qoldaýdyń qoldanystaǵy sharalary týraly aqparatty jetkizdi. Sonymen qatar tehnologııalyq jańǵyrtýdyń jáne ónerkásipti sıfrlandyrý boıynsha júrgizilip jatqan jumystyń, sondaı-aq Qazaqstan aýmaǵynda taý-ken metallýrgııa kesheni boıyn­sha quzyretter ortalyqtaryn qu­rýdyń mańyzdylyǵy atap ótildi. Osyǵan baılanysty taraptar qazaq­standyq kásiporyndarda Indýs­trııa 4.0 elementterin engizý jáne IT tehnologııalardy jetildirý máse­le­lerinde baılanystardy jan­dan­dy­rýǵa jáne ynty­maq­tastyq­ty da­mytýǵa kelisti.

Kezdesý qorytyndysy boıynsha taraptar jaqyn bolashaqta ynty­maq­tastyq deńgeıin arttyrýǵa daıyn ekendikterin bildirdi. Atap aıtqanda, ashyq dıalog formatynda salalyq problemalardy talqylaý úshin otan­dyq ónerkásiptik kásiporyndar basshylyǵymen birqatar kezdesýler ótki­zý týraly ýaǵdalastyqqa qol jet­kizildi.