Kezdesýde Jańa Konstıtýsııa jobasynyń jalpy erejeleri, negizgi baptary, qazirgi qoldanystaǵy Konstıtýsııadan artyqshylyǵy jóninde ashyq áńgime órbidi.
Oblystyq máslıhat tóraǵasy Saılaýbek Esjanov óziniń Konstıtýsııalyq komıssııa quramynda jumys istegenin, jańa Ata Zań jobasynyń adam men onyń ómirin, quqyqtary men bostandyqtaryn memlekettiń eń joǵary qundylyǵy retinde qarastyratynyn aıtty.
«Jańa Konstıtýsııany jasaý barysynda jumys barynsha ashyq júrgizildi. Komıssııanyń barlyq otyrysy tikeleı efırden kórsetildi. El kóleminde azamattardan, sarapshylardan, eńbek ujymdarynan myńdaǵan usynys tústi. Olardyń eleýli bóligi qorytyndy mátinde eskerildi. Jańa Konstıtýsııa – kabınette jasalǵan qujat emes, bul baıypty júrgizilgen qoǵamdyq dıalogtyń nátıjesi. Men búgingi jańa jobany naǵyz halyqtyq Konstıtýsııa dep atar edim. О́ıtkeni halyq jobany túzýge belsendi qatysty. Qazir ekonomıka, turmys jaǵdaıy, ómir sapasy, halyq suranysy ózgerdi. Sondyqtan jańa talaptarǵa jaýap beretin basty qujat – Ata Zańymyz da jańarý kerek. Eń bastysy, azamattardy qorǵaý kepildikteri men adam quqyǵy kúsheıtildi. Áńgime eńbek quqyǵy, áleýmettik qorǵaý, sapaly bilim men medısınaǵa qoljetimdilik, ádil sot týraly bolyp otyr. Osynyń báriniń ózderińiz sııaqty eńbek adamdaryna tikeleı qatysy bar», dedi oblystyq máslıhat tóraǵasy.
Oblystyq máslıhat depýtaty Dınara О́tebaeva Konstıtýsııanyń jańa jobasynda joǵary ekologııalyq mádenıetti qalyptastyrý, tarıhı-mádenı murany saqtaý, tól mádenıetti qoldaý máseleleriniń birinshi ret naqty kórinis taýyp otyrǵanyn aıtty.
Áńgime barysynda fabrıka ujymy ózderin tolǵandyryp júrgen birqatar suraqtarǵa jaýap aldy. Máselen, jumysshylardyń biri qoıǵan «Keleshekte orys tiliniń taǵdyry qalaı bolmaq?» degen saýalǵa depýtat Mahabbat Jutaev: «Kópshilik tarapynan qazaq tili men orys tiline qatysty kóptegen suraqtar túsip jatqanyn bilesizder. Bul zańdy da. Jańa Konstıtýsııanyń jobasynda bul jóninde Qazaqstan Respýblıkasynyń memlekettik tili – qazaq tili. Memlekettik uıymdarda jáne jergilikti ózin-ózi basqarý organdarynda qazaq tilimen qatar orys tili resmı túrde qoldanylady. Memleket birtutas Qazaqstan halqynyń tilderin úırený jáne damytý úshin jaǵdaı jasaýǵa qamqorlyq kórsetedi dep taıǵa tańba basqandaı anyq jazylǵan», dep jaýap berdi.
Jıyn sońynda halyq qalaýlylary fabrıka jumysshylaryn 15 naýryzda ótetin referendýmǵa belsendi qatysýǵa úndedi.
