Dúısenbi kúni, 9 qarashada avtobýstar qaıtadan qatynaıdy.
"Qala turǵyndaryn sanıtarlyq normalardy saqtaýǵa shaqyramyz. Avtobýstarǵa betperdesiz kirýge tyıym salynady. Jol aqysy tek qolma-qol aqshasyz tólenedi", - dep túsindirdi kompanııa.
Eske sala keteıik, elordadaǵy qoǵamdyq kólik jolaýshylaryna yńǵaıly bolý úshin tólem jasaýdyń túrli ádisteri men tarıfteri qarastyrylǵan:
- kólik ámııany - aqshany kólik kartasyna aýdarý;
- kólik bıleti - bul 10 saparǵa arnalǵan qaǵaz kólik kartasy;
- «SMS arqyly tólem jasaý» - uıaly baılanys operatory arqyly jol aqysyn qolma-qol aqshasyz elektrondy túrde tóleýdiń qosymsha qyzmeti;
- «QR-kod arqyly tólem jasaý» - jolaýshynyń bank kartasymen baılanysqan mobıldik qosymsha arqyly nemese abonenttik nómirdegi teńgerimnen aýdarý arqyly júzege asyrylady;
- birlesken brendtik karta - jol aqysyn elektrondy túrde tóleý júıesinde paıdalanýǵa arnalǵan kólik kartasynyń ıntegrasııalanǵan chıpi bar jeke banktik karta.
Sonymen qatar, «aýysyp otyrýmen15 sapar», «aýysyp otyrýmen 30 sapar» tarıfteri bar. Aýysyp otyrýlar 60 mınýt qoljetimji jáne tek saparlar sanynymen ǵana baılanysty.
