Operasııalyq josparǵa sáıkes aǵymdaǵy jyldyń 1 maýsymynan bastap 31 qazanyna deıingi aralyqta elorda aýmaǵynda “Qarasora-2020” jedel aldyn alý sharasy ótkizildi.
JPSh sheńberinde esirtki quralynyń zańsyz aınalymymen aınalysatyn adamdardyń is–áreketin anyqtaýǵa jáne jolyn kesýge baǵyttalǵan maqsatty jumys júrgizildi. Bes aı boıy JPSh ótkizý kezeńinde esirtki quralynyń zańsyz aınalymymen baılanysty 500 fakti anyqtaldy. Onyń ishinde 50 esirtki qylmysy (14 fakti esirtki ótkizý), 450 qylmystyq esirtki qylmysy.
Elorda aýmaǵynda esirtki ótkizýmen jáne jetkizýmen aınalysqan eki turaqty esirtki tobynyń áreketiniń joly kesildi, bir esirtki ázirleıtin zerthana joıyldy.
Arnaıy operasııalardy ótkizý nátıjesinde Nur-Sultan qalasynyń aýmaǵynda zańsyz aınalymnan 186 kg 520 gramm ártúrli esirtki quraly, onyń ishinde: 245 gramm “geroın” jáne 1 kg 70 gramm ‘sıntetıkalyq esirtki” tárkilendi. Ustalǵan esirtki dılerleri joǵaryda kórsetilgen esirtkini elorda aýmaǵynda ótkizbek bolǵan.
