Qajetti qyzmetke siltemesi bar habarlama kýálik merzimniń aıaqtalýyna bir aı qalǵanda jiberiledi.
«Esińizge salamyz, jaqyn arada sizdiń jeke kýáligińizdiń (pasporttyń, júrgizýshi kýáliginiń) qoldanylý merzimi aıaqtalady. Jańa qujatty alý úshin Siz úıden shyqpaı-aq eGov.kz arqyly ótinish bere alasyz», delingen eskertýde. «SMS habarlama jiberý arqyly biz proaktıvti formatta jaqyn arada qujattyń merzimi aıaqtalatyn qazaqstandyqtardy eskertýdi josparlap otyrmyz. Bul azamattarǵa Gov.kz portaly arqyly qujattaryn merzimi ótpeı turyp tapsyrys berý múmkindik týady. Osylaısha biz qazaqstandyqtardy merzimi ótken qujat úshin salynatyn aıyppuldan qorǵaımyz», - dep túsindirdi «Ulttyq aqparattyq tehnologııalar» AQ Basqarma tóraǵasy Áset Turysov.
SMS habarlama alǵan azamattar Gov.kz portalynda óz qujattaryn uzarta alady. Jeke kýálik pen pasportty «Pasport, jeke kýálik alý» qyzmetin paıdalaný arqyly uzartýǵa bolady. Alaıda qoldanylý merzimi ótken jeke basty kýálandyratyn qujatty tek HQKO-da aýystyrý kerek. Júrgizýshi kýáligin qujattyń qoldanylý merzimi ótken, tegi, aty jáne ákesiniń aty ózgergen, joǵalǵan nemese urlanǵan jaǵdaıda eGov.kz portalynda onlaın ótinim berý arqyly qaıta shyǵarýǵa bolady. Ol úshin portalda «Júrgizýshi kýálikterin berý» qyzmetin tańdaý qajet.
Sondaı-aq, mobıldi azamattar bazasynda tirkelgen azamattarǵa týǵan kúnine oraı 1414-ten quttyqtaýy bar habarlama joldanady.
