Alǵashqy 3 kúnde ázirleýshi organdardan 320-dan astam NQA jobalary kelip tústi.
Osyǵan baılanysty, NQA jobalaryna ýaqtyly jáne sapaly qorytyndylardy daıyndaý úshin Úılestirýshi mynadaı kezeńderdi qamtıtyn sarapshylardy qaıta konkýrstyq irikteýdi bastady:
1) qujattardy qabyldaý (5 jumys kúni, aǵymdyǵy jyly 9-13 qarasha aralyǵynda);
2) konkýrstyq irikteýge qatysýshylardyń qujattaryn belgilengen krıterıılerge sáıkestigin qaraý (2 jumys kúni, 16-18 qarasha aralyǵynda);
3) kandıdattardy onlaın-testileýdi ótkizý (1 saǵat ishinde - 23 qarashada ótkiziledi);
4) sarapshylar tizilimine engizý úshin kandıdattarmen áńgimelesý (3 jumys kúni ishinde, aǵymdaǵy jyly 30 qarashaǵa deıin).
Jalpy, irikteýdiń barlyq kezeńderine 16 jumys kúni beriledi.
Konkýrstyq irikteýge qatysýǵa saraptamalyq qoǵamdastyqtyń ókilderi, sondaı-aq irikteý qaǵıdalarynyń talaptaryna sáıkes keletin barlyq tilek bildirgen azamattar shaqyrylady, olarmen Agenttik pen úılestirýshiniń saıtynda tolyǵyraq tanysýǵa bolady.
Quramynda ýnıversıtet qyzmetkerleri, Qoǵamdyq keńes, arnaıy monıtorıngtik top, «Soltústik-Qazaqstandyq medıa-ortalyǵy» QQ men Agenttiktiń ókilderi bar konkýrstyq komıssııa irikteý prosesiniń ashyqtyǵy men jarııalylyǵyn qamtamasyz etedi.
Konkýrstyq irikteýdiń barlyq kezeńderinen sátti ótken úmitkerler sarapshylar tizilimine engizil, aǵymdaǵy jyldyń 2 jeltoqsanynan bastap saraptama júrgizýge jiberiledi.
