Ulttyq saraptama ortalyǵynda, «Meıirim» JShS, «BIO Lab» JShS-de PTR testiniń baǵasy 8000 teńgeden bastalady. Táýligine synamalar ótkizý qýattylyǵy 800–1000 quraıdy.
Ulttyq ǵylymı medısınalyq ortalyq, «Invivo» JShS, «Olımp» KDL (Nur-Sultandaǵy fılıaly «Myrza-han» JShS), №2 kópsalaly qalalyq aýrýhana, №3 kópsalaly qalalyq balalar aýrýhanasy, Prezıdenttiń is basqarmasynyń zerthanasynda KVI-ge testileý 9-11 myń teńge aralyǵynda júrgiziledi.
12-15 myń teńge aralyǵynda siz «Genom Plıýs» JShS-de, Transfýzıologııa ǵylymı-óndiristik ortalyǵynda jáne KF UMC Respýblıkalyq dıagnostıka ortalyǵynda testileýden óte alasyz.
Aqyly negizde COVID-19 koronavırýs ınfeksııasyn anyqtaýǵa arnalǵan PTR synaǵynan qajetti qarajaty bar barlyq Qazaqstan azamattary óte alady. Qalalyq emhanalarda MÁMS júıesiniń bóligi retinde KVI pasıentterimen baılanysta bolǵan júkti áıelderge PTR testileý aqysyz júrgiziledi.
Esterińizge sala keteıik, elordada KVI boıynsha bıomaterıal jınaýǵa arnalǵan 15 zerthana bar. Zerthanalardyń jalpy qýattylyǵy táýligine 10 myńnan astam testti quraıdy. Qazirgi ýaqytta 550 myńnan astam zertteý júrgizildi, qosymsha áli 112 myńǵa jýyq synama bar.
