Osy turǵydan alǵanda, búgingi tańda elimiz Táýelsizdigimen qurdas, jańa zamannyń jas azamattary aldymen elin, atamekenin súıip ósken, zaman talabyna saı bilimdi, bilikti, elimizdiń patrıottary bolýy tıis. Qazirgi tańda bilim men ǵylymǵa erekshe kóńil bóline bastady. Memleket tarapynan bul salaǵa qomaqty qarjy bólinip, «qaıta jańǵyrǵan, jasarǵan qazaq memlekettiliginiń, azattyǵymyzdyń tuǵyry nyǵaıa túskenin áıgileıtin mańyzdy beles» aldymyzda tur.
Árıne, elimiz egemendigin jarııalanǵan kezeńnen beri júrip ótken belesimiz bederli. Alǵashqy jyldardaǵy qıyndyǵy men daǵdarysy, ótpeli kezeńniń qýanyshy men júzege asqan asýlary az emes. Osy jyldar aralyǵynda Qazaqstan degen jas memleketti álem tanyp bildi. Azattyǵymyzdyń aıshyqty asýlarynda júrip ótken joldarymyz arqyly elimizdi bilikti basshylarymyz dúnıege tanytyp, beıbit súıgish, salıqaly, syndarly el ekenimizdi moıyndata bildi.
Endigi meje – Qazaqstan yntymaǵy jarasqan, eńbeksúıgish, bilim men ǵylymǵa qulash sermegen, bolashaqqa batyl qadam jasaǵan memleket retinde alǵa basyp, bıik belesterge qol jetkizý. Udaıy damý, jasampazdyq jolymen ilgeri jyljý arqyly elimizdi órkendeý jolynda kórsete bilý. Qýatty eldiń, turaqty memlekettiń úlgisine aınalý.
Ardagerlerimiz keıingi býynǵa úlgi kórsetip, jastarymyz zaman talabyna saı órkendegen, bilimge qushtar eldiń óskeleń urpaǵyna aınalýǵa umtylýy tıis. Osy talpynys bizdiń «Fılosofııa, saıasattaný jáne dintaný ınstıtýtynyń» jas ǵalymdary boıynan tabylady. Búgingi tańda ujymda bilikti de bilimdi jastar barshylyq. Olar úsh tildi meńgergen, zamanýı talapqa saı mindetterdi boıyna sińirgen, izdenimpaz ǵalymdar dep aıtýǵa negiz bar.
Memleket basshysy Qasym-Jomart Kemelulynyń Qazaqstan Táýelsizdiginiń otyz jyldyq belesine qadam basqan jyl basyndaǵy el aldyndaǵy aıshyqty mindetterdi qadap kórsetken tuǵyrnamalyq maqalasy barsha jurtshylyqqa baǵyt bolar aıtýly tujyrym. Endigi jerde biz sony basshylyqqa alyp, yntymaǵy jarasqan el retinde Táýelsizdigimizdiń qadirin arttyra berýge tıispiz.
Saıasat BEIISBAI,
Fılosofııa, saıasattaný jáne dintaný ınstıtýtynyń bólim jetekshisi
