El Prezıdentiniń bastamalary onyń bir jarym jyldan astam ýaqyttan beri júrgizip kele jatqan saıası reformalarynyń qısynyna sáıkes keledi. Osylaısha, Memleket basshysy saıası reformalardyń úshinshi paketin jarııalady. Buǵan deıin Prezıdenttiń Qazaqstan halqyna Joldaýynyń aıasynda kóptegen bastama kóterilgen bolatyn. Bul bastamalardyń basym bóligi naqty zań túrinde júzege asyryldy. Máselen, saıası partııalar, saılaý, beıbit sherýler týraly birqatar zań qabyldandy.
Jańa bastamalar buǵan deıin qoǵamda da talqylanǵan. Mysaly, saıası partııalardyń Parlamentke ótý shegin 7-den 5 paıyzǵa tómendetý usynylǵan bolatyn. Mundaı qadam basqa elderdiń tájirıbesinde bar. Bul bastama saıası partııalardyń Parlamentke ótýine jáne sol arqyly óz saılaýshylarynyń múddelerin qorǵaýyna múmkindik beredi. Bir qaraǵanda 5 paıyz kóp emes bolyp kórinýi múmkin. Alaıda saılaý naýqany kezinde daýys bergen naqty adamdardyń sanyn eskeretin bolsaq, áńgime júz myńdaǵan azamat týraly ekenin ańǵaramyz.
Bul – durys baǵyt. Prezıdent atap ótkendeı, Parlamenttegi saıası partııalardyń sany kóp bolýy pikirler plıýralızmine jáne sol arqyly neǵurlym durys sheshim qabyldaýǵa oń yqpal etedi.
Saılaý bıýlletenine «Bərine qarsymyn» degen jazýdy engizý týraly usynys ta mańyzdy. О́ıtkeni VII elimizdegi saılaý naýqany kezinde áleýmettik jelilerde kóptegen adam barlyq partııaǵa qarsy daýys bergenin bildirgenin baıqadyq. Sondyqtan, bul qadam qoǵamdyq pikirdi eskerý turǵysynan da durys bolatyn sııaqty. Osylaısha, bılik te, saıası uıymdar da qansha azamattyń partııalardyń eshqaısysyn qoldamaıtynyn naqty bile alar edi. Bul qoǵamdyq pikirdiń barynsha aıqyn kórinisi bolar edi.
Rasýl JUMALY,
saıasattanýshy
