Ol úshin Komıtettiń www.kgd.gov.kz portalyndaǵy kalkýlıatordy ashyp, onda salyq kezeńin, kólik quralynyń túrin jáne qozǵaltqysh kólemin kórsetý qajet. Elektrondy servıs tıisti salyqty ózi eseptep beredi. Bul kalkýlıator portaldyń negizgi ekranyndaǵy «Elektrondy servıster» bóliminde ornalasqan.
«Bıylǵy jyldan bastap engizilgen ózgeristerge sáıkes, jeke tulǵalardyń 2020 jylǵa arnalǵan kólik salyǵyn 2021 jyldyń 1 sáýirinen keshiktirmeı tóleý kerek», dep habarlaıdy QR Qarjy mınıstrligi Memlekettik kirister komıtetiniń baspasóz qyzmeti.
Osyǵan oraı, ósimpuldardy esepteý algorıtmi de qaıta qaralǵan.Eske sala keteıik, osyǵan deıin Memlekettik kirister komıteti 2020 jylǵy 31 jeltoqsanda jeke tulǵalarǵa múlik, jer jáne kólik salyqtary boıynsha salyqtyq raqymshylyq aıaqtalǵanyn habarlap, osy múmkindikti elimizdiń 1 mln-nan astam azamaty qoldanǵanyn jáne olardyń 2 mlrd teńge somasyndaǵy salyqqa qaryzdary keshirilgenin jetkizgen bolatyn.
Aıda ORALBEK
