«Qazaqstandyq elektrolız zaýyty» AQ – álemdik naryqta joǵary básekege qabilettigimen erekshelenetin Qazaqstandaǵy alǵashqy alıýmınııdi óndirýshi, salmaǵy 36 tonna bolatyn ınnovasııalyq 20 fýttyq konteınerlerde óz ónimderin tasymaldaýdy úılestirý týraly ótinishpen Ulttyq tasymaldaýshyǵa júgindi. Poıyzdar qozǵalysynyń qaýipsizdigi qamtamasyz etilip, júkterdi ornalastyrý men bekitýdiń barlyq tehnıkalyq talaby saqtalǵanda jáne tasymal josparynyń bolýy jaǵdaıynda ruqsat etiledi.
Zaýyttyń barlyq ónimi klıentterge temirjol kóligimen jetkiziledi. Kompanııa júkteriniń shamamen 90%-y temir jolda konteınerlermen tasymaldanady. Kompanııanyń kirme joldary júk operasııalaryn óndirýge jáne konteınerlerge qyzmet kórsetýge arnalǵan.
– Búginde temir jol boıynsha konteınerlik tasymal kólemi oń qarqyn kórsetýde. Biz júkterdi tasymaldaýdaǵy júk jóneltýshilerdiń qajettiligin qamtamasyz etý úshin tasymaldyń osy túrin damytýǵa daıynbyz, dedi «QTJ-Júk tasymaly» JShS bas dırektorynyń birinshi orynbasary Qanat Kóbesov.
Tasymaldyń aıtarlyqtaı kólemi men alys qashyqtyqqa konteınerlerdi paıdalana otyryp, júk jóneltýshi kóliktik shyǵyndardy tómendetedi jáne ónimderdi jetkizý ýaqytyn qysqartady, dep habarlady «QTJ-Júk tasymaly» JShS baspasóz qyzmeti.
