Bul derekti qalalyq Polısııa Departamenti rastap otyr. Alaıda buǵan deıin qala ákimdigi aqparatty joqqa shyǵarǵan edi.
Polısııa ókilderiniń málimetinshe, Sport basqarmasynyń basshysy Oleg Pochıvalov Qazaqstannan basqa ekinshi azamattyq alýǵa tyıym salatyn zańdy buzǵan. Sol sebepti sheneýnik Qazaqstan azamattyǵynan aıyryldy.
«Shymkent qalasy polısııa departamentiniń kóshi-qon qyzmeti basqarmasy Qazaqstan Respýblıkasynyń azamaty Oleg Vladımırovıch Pochıvalovtyń qos azamattyǵy baryn anyqtady. Azamattyq týraly zańnyń 21-babyna sáıkes kóshi-qon qyzmeti basqarmasy odan Qazaqstan Respýblıkasynyń azamattyǵyn joǵaltý deregin tirkedi», dep habarlady PD Azamattyq jáne ımmıgrasııa bóliminiń basshysy Gúljan Nysanbaeva.
Aıta ketetin jaıt, sheneýniktiń qos azamattyǵy týraly aqparat birneshe aı buryn jelide paıda bolǵan. Onda Pochıvalovtyń Qazaqstan jáne Reseı azamaty ekeni aıtylǵan.
Alaıda sol kezde Shymkent ákimdiginiń ókilderi bul málimetti joqqa shyǵarǵan edi.
