QR Shekara qyzmetiniń saıtynda jarııalanǵan qujatqa sáıkes, Qazaqstan Respýblıkasynyń azamattaryna QR Úkimetiniń sheshimimen tikeleı áýe qatynasy (turaqty, turaqty emes charterlik reıster) jandanǵan elderge saparlaýǵa ruqsat etildi. Sondaı-aq QR Úkimetiniń sheshimimen tikeleı áýe qatynasy (turaqty, turaqty emes charterlik reıster) qaıta jandandyrylǵan elderdiń azamattaryna Qazaqstan Respýblıkasynyń aýmaǵyna/ aýmaǵy arqyly kirýge nemese tranzıtpen ótýge ruqsat berilgen. Bul rette, Qazaqstan Respýblıkasynyń halyqaralyq kelisimderinde ózge jaǵdaılar qarastyrylmaǵan bolsa, vızalyq talap saqtalýy tıis.
Sondaı-aq qazaqstandyq ótkizý pýnkterinde ornalasqan kóliktik-logıstıkalyq ortalyqtaryna baratyn halyqaralyq júk tasymaldaýshy júrgizýshi – Qytaı Halyq Respýblıkasy azamattaryna 24 saǵattyq vızasyz kirip-shyǵýǵa ruqsat berilgen.
Budan bólek, sanıtarlyq-epıdemıologııalyq jaǵdaı jaqsarǵanǵa deıin Qazaqstan Respýblıkasynyń Memlekettik shekarasynan ótýge sheteldikter men azamattyǵy joq adamdarǵa ýaqytsha shekteýler engiziledi, kelesi adamdardy qospaǵanda:
shet memleketterdiń dıplomatııalyq qyzmet personaly men olardyń otbasy músheleri (jubaıy, zaıyby, olardyń ata-analary men balalary);
QR Syrtqy ister mınıstrliginiń shaqyrýymen Qazaqstanǵa jiberilgen resmı delegasııa jáne halyqaralyq uıymdardyń delegasııa músheleri;
Qazaqstan Respýblıkasynda akkedıttelgen halyqaralyq uıymdardyń qyzmetkerleri men olardyń otbasy músheleri (jubaıy, zaıyby, olardyń ata-analary men balalary);
Qazaqstan Respýblıkasynyń qoldanystaǵy «S10», «V8» sanatyndaǵy vızasy jáne qazaq ultyna tıesiligi týraly belgisi bar jeke basyn kýálandyratyn qujattary (pasport, jeke kýálik, týý týraly kýáligi jáne t.b. notarıaldy kýálandyrylǵan aýdarmasymen birge) bar etnıkalyq qazaqtar jáne olardyń otbasy músheleri (jubaıy, zaıyby, ata – analary men balalary); poıyz jáne lokomotıvtik brıgadalarynyń, áýe jáne teńiz kemeleri ekıpajdarynyń músheleri jáne temir jol tasymaldaý prosesterine, júkterdi jáne halyqaralyq qatynasta júkterdi tasymaldaýdy júzege asyratyn poezdardy qabyldaý, tapsyrý jáne alyp júrý operasııalaryna qatysatyndar; qazaqstandyq áýekompanııalardyń qyzmetkerleri (mártebesin rastaǵan jaǵdaıda) jáne olardyń otbasy músheleri (jubaıy, zaıyby, ata-analary men balalary);
Qazaqstan Respýblıkasynyń aýmaǵyndaǵy sheteldik transshekaralyq qurylystarda jáne shektes memleketterdiń aýmaǵyndaǵy qazaqstandyq transshekaralyq qurylystarda qyzmettik mindetterin atqaratyn jáne kýálandyrylǵan ataýly tiziminde bar personaldar;
Qazaqstan Respýblıkasynan jalǵa alynǵan aýmaqtarda ornalasqan áskerı quralymdar, ónerkásip bólimsheleri men kásiporyndardyń quramyna kiretin Reseı Federasııasynyń azamattary jáne olardyń otbasy músheleri (jubaıy, zaıyby, olardyń ata-analary jáne balalary), sondaı-aq áskerı quralymdarǵa (bólimshege, ónerkásip kásiporynǵa) tıesiligi men týystyq baılanystary rastalǵan jáne Reseı Federasııasynyń ýákiletti memlekettik organdary men uıymdary bergen jol júrý sertıfıkattary bar bolǵan kezde, osy áskerı bólimderge, bólimsheler men ónerkásiptik kásiporyndaryna jiberilgen Reseı Federasııasynyń azamattary;
«Baıqońyr» kesheni men Baıqońyr qalasynyń aýmaǵyna baratyn – «Baıqońyr» kesheninde jumys isteıtin, sondaı-aq Baıqońyr qalasynda turaqty nemese ýaqytsha tirkelgen memlekettik organdardyń jáne ózge de uıymdardyń jumystyń/qyzmettiń jaramdylyǵyn rastaıtyn qujatyn/qujattaryn mindetti túrde usynatyn Reseı Federasııasynyń azamattary men olardyń otbasy músheleri (jubaıy, zaıyby, olardyń ata-analary jáne balalary);
shet memleketterdiń Úkimetaralyq feldegerlik baılanys qyzmetkerleri, mártebesi rastalǵan kezde;
buryn shet memleketke shyǵyp ketken Qazaqstan Respýblıkasynyń azamattyǵy joq adamnyń kýáligimen qujattaǵan azamattyǵy joq adamdar Qazaqstan Respýblıkasyna qaıtyp oralǵan kezde;
jedel ádistermen emdelýge ǵana keletin (erip keletinder eki eresek adamnan aspaıtyn), Qazaqstan Respýblıkasy densaýlyq saqtaý salasyndaǵy ǵylymı uıymdardan (Qazaqstan Respýblıkasynyń Densaýlyq saqtaý mınıstrligi bekitken tizim negizinde) jazbasha shaqyrýy barlar;
shet memleketterdiń dıplomatııalyq ókildikteri men konsýldyq mekemeleriniń ótinishi boıynsha, sondaı-aq osy dıplomatııalyq ókildikter men konsýldyq mekemelerdiń kelisilgen kómegimen óz azamattaryn eline odan ári ushyp shyǵý nemese avtomobıl ótkizý pýnktteri arqyly ketý úshin Qazaqstan Respýblıkasyna áýe ótkizý pýnktteri arqyly keletinder;
týystyǵyn rastaıtyn qujattary bolǵan kezde otbasy músheleri men jaqyn týystaryn (jubaıy (zaıyby), ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jerleýge bara jatqandar, sondaı-aq qaıtys bolǵan otbasy músheleri men jaqyn týystarynyń máıitin (máıitin) jerleý ornyna birge keletinder;
emdeý ornynan aýyr naýqastyǵyn rastaıtyn qujattary bolǵan kezde aýyr naýqastanǵan otbasy múshelerin jáne jaqyn týystaryn kútip-baǵý úshin keletinder (jubaıy (zaıyby), ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jáne olardyń kámeletke tolmaǵan balalary; Qazaqstan Respýblıkasynyń aýmaǵynda turýǵa yqtııarhaty barlar jáne olardyń otbasy músheleri (jubaıy, zaıyby, olardyń ata-analary men balalary) – 30 táýlik ishinde 1 retten artyq emes;
Qazaqstan Respýblıkasy azamattarynyń otbasy músheleri bolyp tabylatyndar - týystyq baılanystar faktisi rastalǵan jaǵdaıda (jubaıy, zaıyby, ata – analary men balalary) jáne olardyń kámeletke tolmaǵan balalary - 30 táýlik ishinde 1 retten artyq emes;
Qazaqstan Respýblıkasy aýmaǵyndaǵy oqý oryndarynda bilim alyp júrgender (oqýshylar, stýdentter, tyńdaýshylar, kýrsanttar), sondaı-aq olar oqý vızalaryn uzartý, stýdenttik ID-kartalardy resimdeý, qazaqstandyq oqý oryndarynyń shaqyrýlary bolǵan kezde emtıhandar (testiler) tapsyrý úshin Qazaqstan Respýblıkasyna kelgen jaǵdaıda.
Osy tarmaqshada kórsetilgen maqsattar boıynsha keletin sheteldik azamat kámeletke tolmaǵan bolsa, ony ata-analarynyń (qorǵanshylarynyń nemese qamqorshylarynyń) alyp kelýge ruqsat etiledi;
osy tártipke sáıkes Qazaqstan Respýblıkasynyń Memlekettik shekarasynan ótýge ruqsat berilgen, adamdardy tasymaldaýdy jáne evakýasııalyq reısterdi júzege asyratyn júrgizýshiler; árbir jeke jaǵdaı úshin Qazaqstan Respýblıkasy Premer-mınıstriniń orynbasary tóraǵalyǵymen arnaıy qurylǵan Vedomstvoaralyq komıssııa bekitetin tizimge sáıkes áleýmettik mańyzy bar kompanııalardyń qyzmetkerleri (mamandary);
Qazaqstan Respýblıkasynyń memlekettik jáne jergilikti atqarýshy organdarynyń shaqyrýymen medısınalyq járdem kórsetý maqsatynda, sondaı-aq shet memleketter men halyqaralyq uıymdardyń gýmanıtarlyq kómegi sheńberinde Qazaqstanǵa keletin medısınalyq personal.
Budan bólek, Qazaqstan Respýblıkasynyń azamattaryna 30 táýlikte 1 retten artyq emes merzimde memlekettik shekaradan ótýge ruqsat berilgen. Atalǵan merzim kelesi Qazaqstan Respýblıkasy azamattaryna qoldanylmaıdy: elimizdiń dıplomatııalyq qyzmetiniń personaly men olardyń otbasy músheleri (jubaıy, zaıyby, olardyń ata-analary men balalary);
Qazaqstan Respýblıkasy Úkimetimen kelisilgen jáne shet memleketterdiń shaqyrýymen baratyn Qazaqstan Respýblıkasynyń resmı delegasııa músheleri;
qyzmetker retinde jáne olardyń otbasy músheleri (jubaıy, zaıyby, olardyń ata-analary men balalary) mártebesi rastalǵan kezde - shet memleketterdiń aýmaǵynda ornalasqan Qazaqstan Respýblıkasy múshesi bolyp tabylatyn halyqaralyq uıymdardyń qyzmetkerleri;
Qazaqstan Respýblıkasynyń úkimetaralyq feldegerlik baılanys qyzmetkerleri, mártebesi rastalǵan kezde; poıyz jáne lokomotıvtik brıgadalarynyń, áýe jáne teńiz kemeleri ekıpajdarynyń músheleri jáne temir jol tasymaldaý prosesterine, júkterdi jáne halyqaralyq qatynasta júkterdi tasymaldaýdy júzege asyratyn poezdardy qabyldaý, tapsyrý jáne alyp júrý operasııalaryna qatysatyndar;
Qazaqstan Respýblıkasynyń aýmaǵyndaǵy sheteldik transshekaralyq qurylystarda jáne shektes memleketterdiń aýmaǵyndaǵy qazaqstandyq transshekaralyq qurylystarda qyzmettik mindetterin atqaratyn jáne kýálandyrylǵan ataýly tiziminde bar personaldar;
Densaýlyq saqtaý mekemeleriniń rastaıtyn qujattaryn kórsete otyryp, shetelge emdelýge baratyndar (erip baratyndar eki eresek adamnan aspaıtyn), kelesi qujattary bolǵan kezde: - «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 30 qazandaǵy № QR DSM-175/2020 buıryǵymen bekitilgen 026/ý nysanyna sáıkes dıagnozdy jáne emdeý jedeldigin rastaý úshin aýmaqtyq ambýlatorııalyq-emhanalyq uıymnyń dárigerlik-konsýltasııalyq komıssııasynyń qorytyndysy», - notarıaldy kýálandyrylǵan aýdarmasy bar sheteldik medısınalyq uıymnan emdelýge shaqyrý-hat;
týystyǵyn rastaıtyn qujattary bolǵan kezde otbasy músheleri men jaqyn týystaryn (jubaıy (zaıyby), ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jerleýge bara jatqandar, sondaı-aq qaıtys bolǵan otbasy músheleri men jaqyn týystarynyń máıitin (máıitin) jerleý ornyna birge keletinder;
emdeý ornynan aýyr naýqastyǵyn rastaıtyn qujattary bolǵan kezde aýyr naýqastanǵan otbasy múshelerin jáne jaqyn týystaryn kútip-baǵý úshin keletinder (jubaıy (zaıyby), ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jáne olardyń kámeletke tolmaǵan balalary;
shet memleketterdiń aýmaǵyndaǵy oqý oryndarynda oqıtyndar, sondaı-aq Qazaqstan Respýblıkasynan stýdenttik vızalaryn uzartý, stýdenttik ID-kartalaryn resimdeý, emtıhandardy (testterdi) tapsyrý úshin shyǵatyndar - sheteldik bilim berý mekemesiniń shaqyrýy bolǵan jaǵdaıda.
Osy tarmaqshada kórsetilgen maqsattar boıynsha keletin sheteldik azamat kámeletke tolmaǵan bolsa, ony ata-analarynyń (qorǵanshylarynyń nemese qamqorshylarynyń) alyp kelýge ruqsat etiledi;
eńbek sharty, kelisimshart, eńbek etý ruqsaty nemese qabyldaıtyn mekemeden eńbek qyzmetin júzege asyrýǵa ózge de rastaıtyn qujattar nemese olardyń kóshirmelerin, sondaı-aq atalǵan maqsattarda shet memleketke kirý quqyǵyna ruqsaty bar eńbek qyzmetin júzege asyrý maqsatynda shetelge shyǵatyndar;
osy tártipke sáıkes adamdardy tasymaldaýdy jáne evakýasııalyq reısterdi júzege asyratyn Qazaqstan Respýblıkasynyń Memlekettik shekarasynan ótýge ruqsat etilgen júrgizýshiler;
Qazaqstan Respýblıkasy Bas prokýratýrasynyń sheshimi jáne Qazaqstan Respýblıkasy Ishki ister mınıstrligi Qylmystyq-atqarý júıesi komıtetiniń tıisti haty negizinde - ekstradısııalaý tártibimen beriletin sheteldikter, azamattyǵy joq adamdar men Qazaqstan Respýblıkasy azamattarynyń qatarynan izdestirilýde júrgender jáne sottalǵandar, sondaı-aq olardy qabyldap alýdy – berýdi júzege asyratyn aıdaý mekemesiniń qyzmetkerleri;
Qazaqstan Respýblıkasynan basqa memleketke turaqty turýǵa shyǵatynda jáne/nemese kósh-qon vızalary barlar.
