Kıim brendterin jasady

«Kásipkerlik negizderi: SMM marketıng jáne kommýnıkasııalar» kýrsynyń sabaqtarynda praktıkalyq tapsyrmalardy oryndaý barysynda qatysýshylar logotıpter men saıttardy jasaýdan basqa, óz brendterin tanystyrdy. Kýrs treneri Ásel Qojaqova Shine, Tyime, inseason sııaqty jańa kreatıvti brendter týraly aıtyp ótip, brendterdi jaqsartýǵa arnalǵan usynystar berdi. Búginde Ásel Qojaqova – Red Point Kazakhstan Marketıngtik kommýnıkasııalar servısiniń negizin qalaýshy jáne bas dırektory.

Sońǵy eki sabaqta 31 naýryz ben 1 sáýirde qatysýshylar áleýmettik jeliler men maqsatty aýdıtorııany tereń zerttep, áleýetti klıenttiń portretin durys qurastyrý máselelerin talqylady. Sonymen qatar kýrs treneri qatysýshylarǵa baılanys túrlerin zertteýge jáne brendterin jyljytý úshin qyzyqty mazmundy daıyndaýǵa kómektesti. Bul úshin qatysýshylar foto jáne beınematerıaldar jasaý, bıznesti damytý jáne t.b. marketıngtiń paıdaly quraldarymen ta­nys­ty, kýrs sońynda jattyqtyrýshy Ásel Qojaqova qyz­dar­ǵa óz brendterin odan ári damytý úshin tilegin bildirdi.

Kelesi aptada Green TAL JShS áleýmettik korpo­ra­sııa­synyń negizin qalaýshy Emın Askerov «Kásipkerlik ne­gizderi: bıznesti josparlaý jáne satý» kýrsy boıynsha oqytýdy bastaıdy. Fashion Girlsin Business áleýmettik jobasyn Azamattyq bastamalardy qoldaý ortalyǵy Nur-Sultan qalasyndaǵy AQSh elshiliginiń «Amerıkalyq buryshtar» baǵdarlamasymen seriktestikte iske asyratynyn aıta ketelik.