Naýryzdyń aıaǵyna taman jınaqtalǵan qarajat 6,6 mlrd teńgeni qurasa, aldaǵy tólemder týraly habarlama jiberilgen soń, aqsha kólemi 13,1 mlrd teńgege ulǵaıǵan. Mundaı statıstıkany Memlekettik kirister komıteti jarııalady. Vedomstvonyń málimetine sáıkes, 2 sáýirden bastap ár keshiktirilgen kúnge ósimpul esepteledi. Osyǵan deıin komıtettiń Telegram arnasynda kólik salyǵyna qatysty saýaldama júrgizilgen. Soǵan sáıkes, respondentterdiń 36%-y salyq somasyn e-Salyq Azamat mobıldi qosymshasy arqyly bilse, 30%-y banktiń mobıldi qosymshasy arqyly tólem jóninde habardar boldy. Sol sekildi qatysqandardyń 5%-y e-Salyq Azamat mobıldi qosymshasyndaǵy kalkýlıatordyń kómegimen ózderi eseptese, 21%-y Memlekettik kirister komıtetiniń portalyndaǵy kalkýlıatordyń kómegine júgingen. Qalǵan 8%-y Memlekettik kirister basqarmasyna baryp, keńes alýdy qup kóripti.
Osyǵan deıin Memlekettik kirister komıteti kólik salyǵyna baılanysty aldaǵy tólemderdi alǵash ret e-Salyq Azamat mobıldi qosymshasyna jiberetinin málimdegen.
2020 jylǵa jeke tulǵalardyń kólik quraldaryna salynatyn salyq IIM Ákimshilik polısııa komıtetiniń málimetteri negizinde eseptelgen.
