Medısına • 23 Sáýir, 2021

Reprodýktıvtilik máselesimen júgingenderdiń jartysy jastar

11 ret kórsetildi

Jastar arasynda reprodýktıvti densaýlyq máseleleri boıynsha júgingenderdiń 53%-yn 13 jastan 16 jasqa deıingi jasóspirimder quraıdy. Bul týraly JANYM qoǵam­dyq birlestiginiń atqarýshy dırektory Natalıa Klıýjına «Jas­­tar ara­synda reprodýktıvti densaýlyqty saqtaý máseleleri boıynsha kon­­sýl­­tasııa­lyq qyz­met­ter kórsetý» jobasyna arnalǵan baspasóz-kon­feren­sııasy ba­ry­synda aıtty.

«Reprodýktıvti densaýlyq máse­le­leri boıynsha jobany iske asyrý bas­talǵannan beri keńes berýge arnalǵan  8 800 004 05 40 biryńǵaı telefon jedel jelisi jumysyn bastady», dedi N.Klıýjına.

Joba iske qosylǵannan beri 134 adam kómek suraǵan, onyń 57-si jedel jeli telefony boıynsha jáne 77 adam qoǵamdyq birlestik saıty arqyly júgingen. Habarlasqandardyń 53%-y – 13-ten 16 jasqa deıingi jasóspirimder men 36%-y – 17-den 22 jasqa deıingi jas­tar. Is-sharaǵa Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov qatysty.

«Reprodýktıvti densaýlyq taqyryby boıynsha jastardy habardar etý ma­ńyzdy. Osy máselege baılanysty Aqpa­rat jáne qoǵamdyq damý mınıstrligi men Jastar jáne otbasy isteri komıteti osyndaı suranyspen grant bólýge bas­tama kóterdi. Biz bul jobany júzege asyrýǵa kómektesemiz. Sebebi alda­ǵy maq­sattardyń mańyzdylyǵyn túsi­ne­miz», dedi Sh.Baımanov.

Baspasóz konferensııasy barysynda óńirlerde jáne respýblıkalyq mańyzy bar qalalarda jas analar men júkti áıelderge emshek sútiniń mańyzdylyǵy men biregeıligi, bosanǵannan keıin qalpyna keltirý daǵdylaryna úıre­tý máseleleri boıynsha marafon jos­par­lanǵany belgili boldy. Sondaı-aq re­pro­dýktıvti densaýlyq máseleleri bo­ıynsha mamandardy tartý jumystary bastaldy. Mysaly, 16 sáýirde 20 mektepte 9-11 synyptardyń 100 oqýshysyna jáne eki kolledj stýdentteri úshin joba sarap­shysy, medısına ǵylymdarynyń kan­dıdaty, akýsher-gınekolog Janerke Ajetova alǵashqy onlaın sabaq ótkizdi.

Joba Azamattyq bastamalardy qol­daý ortalyǵynyń qoldaýymen júzege asy­rylýda.

 

 

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar