Elimizdiń birinshi raketkasy áıelder arasyndaǵy jarystyń úshinshi aınalymynda reseılik tennısshi Elena Vesnınany eki sette qapy qaldyrdy. Reseılik sportshy alǵashqy sette jerlesimizge esh qarsylyq kórsete almady – 6:1. Al ekinshi sette Vesnına Elenaǵa biraz taıtalasyp baqty. Otandasymyz 3:4 esebimen jeńilip jatyp, match sońynda báribir 6:4 esebimen qarsylasynan aılasyn asyryp ketti.
Endi E.Rybakına tórtinshi aınalymda álemdik reıtıngte 8-orynda turǵan áıgili amerıkalyq tennısshi Serena Ýılıamspen sheberlik baıqasady. Eki sportshy buǵan deıin kezdespegen. Aıta keteıik, Rybakına óz mansabynda tuńǵysh ret Rolan Garros jarysynyń tórtinshi aınalymyna shyǵyp otyr.
О́kinishke qaraı, Zarına Dıas Parıjdegi týrnırdi ekinshi aınalymnan soń aıaqtaýǵa májbúr boldy. Otandasymyz ekinshi kezeńde WTA týrnırlerinde 6 ret top jarǵan álemniń 15-raketkasy belgııalyq Elıse Mertenspen kezdesip, tartysty ótken kezdesýde 6:4, 2:6, 4:6 esebimen qarsylasyna jol berdi.
