Aımaqtar • 12 Shilde, 2021

Kýrortty óńirde kólik apaty kóp

40 ret kórsetildi

Qara joldyń boıynda abaılamaǵan júrgizýshige tótennen tóner qaýip-qater kóp. Saraptap qarasańyz, sebepshi de belgili. Oblysta jyl basynan beri 255 jol-kólik oqıǵasy tirkeldi. О́kinishke qaraı, 45 adam qara joldyń boıyndaǵy apattan qaza tapty.

Jıi kezdesetin jol-kólik oqıǵala­rynyń saldarynan 400-den astam jolaýshy árqıly dene jaraqatyn aldy. Múgedek bolyp qalǵandary qanshama. Jol polısııasy qyzmetkerleri el ishinde apattyń aldyn alý baǵytynda jumys júrgizip jatyr. Alaıda qan­shama eskertip, aldyn alý sharalary júrgizilgenimen, qasiretti kórsetkish ótken jyldyń sáıkes merzimimen sa­lystyrǵanda 15,4 paıyzǵa ósken. Byl­tyr oryn alǵan 221 jol apatynyń sal­darynan 30 adam mert bolyp, 363 adam jaraqat alsa, bıylǵy alǵashqy jarty jyldyqtyń ózindegi kórsetkish byltyrdan kóp.

– Jyldamdyqty shamadan tys art­tyrý oqıǵalary jıi oryn alady. Baıqaýsyzda qarsy baǵytqa shy­ǵyp ketý, temir tulpardy mas kú­ıinde júrgizý de jıi kezdesedi, – deı­di oblystyq kólik baqylaý ıns­peksııasynyń aǵa ınspektory Ádilbek Suraǵanov.

О́tken jyly jol-kólik apatynyń aldyn alýǵa baǵyttalǵan ondaǵan reıd uıymdastyrylǵan eken. Is-shara barysynda 78 myńnan astam jol erejesin buzý faktileri tirkelipti. Burnaǵy jylmen salystyrǵanda, bul kórsetkish 219 paıyzǵa kóbeıgen. Onyń ishinde 58 548-i jol-kólik ere­jesin óreskel buzý sanatyna jatady.

Mamandar jol-kólik oqıǵasynyń jıi kezdesýi kýrortty aımaqtyń úle­sinde deıdi. Ekinshi sebebi, aıtyp kelmes apatqa dýshar bolý adam­dardyń óz­derinen. Máselen, jyl basynan beri mas kúıinde kólik tizgindegen 469 kólik júrgizýshisi ustalǵan. Beıbit kúnde mas kúıinde kólik júr­gizip, apatqa ushyrap jatqandar týraly aqparatty kúnde oqyp, kórip júrse de, sanalaryna toqyp, sabaq almaıtyndary nesi eken?!

 

Aqmola oblysy

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar