Qoǵam • 13 Shilde, 2021

Elektrondy eńbek bırjasynda bos jumys oryndary kóp

39 ret kórsetildi

«Eńbek resýrstaryn damytý ortalyǵy» AQ derekteri boıyn­sha bıyl maýsym aıynda Elektrondy eńbek bırjasynda 96,4 myń bos jumys orny jáne 49,2 myń túıindeme ornalastyrylǵan. Iаǵnı ótken aımen salystyrǵanda EEB-daǵy bos jumys oryndarynyń sany 28%-ǵa, al túıindemeler sany 6%-ǵa ósti. Bos jumys oryndarynyń sany ásirese eldiń ońtústik oblystarynda kóbirek óskenin aıta ketken lázim.

Eńbek jáne halyqty áleý­mettik qorǵaý mınıstrligi bas­pasóz qyzmetiniń habarlaýynsha, EEB-da ornalastyrylǵan bos oryndardyń úshten bir bó­­ligi (29,9 myń jumys orny) tó­­men biliktilikti talap etetin ká­­sipterge jatady. Suranys bo­­ıyn­sha ekinshi orynda óner­ká­sip jumysshylary – 16% nemese 15,8 myń jumys orny, úshinshi orynda kásibı maman­dar – 15% nemese 14,6 myń jumys orny. Salalarǵa ke­le­tin bolsaq, maýsym aıynda ornalastyrylǵan bos oryndardyń jalpy kólemine ózge de qyzmetter, aýyl sharýa­shylyǵy jáne qurylys salalary negizgi úles qosty. Osy­laısha, osy úsh salanyń kásip­oryndary bir aı ishinde 20 myń­nan astam bos jumys ornyn jarııalady.

Eger bos oryndardyń aılyq serpinin qarastyratyn bolsaq, ótken aımen salystyrǵanda bos oryndar sanynyń maksı­maldy ósimi bilikti emes ju­mys­shylarǵa (+7,9 myń), óner­­kásip jumysshylaryna (+3,9 myń), sondaı-aq qyz­met kórsetý jáne satý sala­syn­­daǵy qyzmetkerlerge (+2,9 myń) keledi. Atap aıt­qan­­da, biliktiliktiń bolýyn talap etpeıtin kásipter ara­­synda bir aı ishinde qo­sal­qy jumysshylarǵa, kó­gal­dandyrý jónindegi ju­mys­shylarǵa, ártúrli jumystardy oryndaýmen aınalysatyn ju­mysshylarǵa su­ra­nys artty. О́ıtkeni aýyl sharýa­shy­lyǵy men qurylysta maý­sym­dyq jumystar jandandy. О́nerkásip jumysshylary ara­synda tiginshiler, slesar-jóndeýshiler, avtoslesarlar jáne elektromonterlarǵa suranys kóbirek ósti. Al qyzmet kórsetý jáne satý salasyndaǵy qyzmetkerler arasynda kúzet­shilerge, aspazdarǵa jáne tár­bıeshilerdiń kómekshilerine suranys artty.

Jekelegen bilikti maman­dyqtardy qarastyra otyryp, maýsym aıynda bilikti kásipter arasynda konsýltant-satýshylar (323 túıindeme jáne 1 581 bos jumys orny), avtomobıl júrgizýshileri (872 túıindeme jáne 1 854 bos jumys orny) jetispeıtinin atap ótken jón. Meıirbıkelerge/meıirgerlerge degen suranys eńbek nary­ǵyndaǵy usynystan áli de burynǵysyndaı asyp túsedi (628 túıindeme jáne 1 249 bos jumys orny). Biliktiligi joq qyzmetkerlerdiń arasyn­da júk tıeýshiler, qo­salqy ju­mysshylar, túrli ju­mystardy oryndaýmen aı­nalysatyn adamdar, as úı ju­mysshylary jetispeıdi. Maýsym aıynda eń tapshy mamandyqtar qataryna biliktiligi joq qu­rylys jumysshylary men ferma sharýashylyǵyndaǵy túrli jumystardy oryndaýmen aınalysatyn jumysshylar qosyldy.

Maýsym aıynda bilikti ká­sipter arasynda mal ósirý­shiler (1 204 túıindeme jáne 320 bos jumys orny), zańgerler (539 túıindeme jáne 254 bos jumys orny) artyq boldy. Aǵymdaǵy jyldyń aldyńǵy aılarynan aıyrmashylyǵy, maýsym aıynda artyq mamandyqtar tizimine fırma dırektorlary (236 túıin­deme jáne 9 bos jumys orny) jáne tehnık-baǵdar­lamashylar (210 túıindeme jáne 53 bos jumys orny) kirdi. Bi­liktiliktiń bolýyn talap etpeıtin kásipter arasynda eldi mekenderdi abattandyrý bo­ıyn­sha jumysshylar, vah­terler men konserjder, kýrer­­ler, sondaı-aq aýmaqtar­dy abat­tandyrý boıynsha ju­mysshylar suranysqa ıe emes.

О́ńirlik bóliniste ótken aı­­lardaǵydaı bos jumys oryn­­darynyń eń kóp sany Qos­­tanaı, Qaraǵandy oblys­ta­­rynda, Nur-Sultan jáne Alma­ty qalalarynda jarııalandy. Joǵaryda atalǵan eki megapolıske qaraǵanda, Shym­kent qalasynda maýsym aıynda eldegi bos oryndardyń eń az sany – barlyǵy 2 410 bir­lik nemese bos oryndardyń jal­py sanynyń 2%-y ǵana or­nalastyrylǵan.

О́ńirler boıynsha bos oryndar serpini kórsetip otyr­ǵan­daı, bir aı ishinde bos oryndar sanynyń eń kóp ósýi ońtústik oblystarda – Jambyl (+84%), Qyzylorda (+70%) jáne Túr­kistan (+62%) oblystaryn­da baıqaldy. Barlyq úsh óńir­de qosalqy jumysshylar asa tapshy boldy. Bul rette Jam­byl oblysynda bos ju­­mys oryndarynyń sany túıin­­demege qaraǵanda eki ese kóp boldy. Jambyl oblysynda qosalqy jumysshylarmen qatar konsýltant-satýshy­lar men kúzetshiler, Qyzylorda oblysynda túrli jumystardy oryn­daýmen aınalysatyn adamdar, elektr jáne bas­qa da qondyrǵylardy baqy­laýshylar, Túrkistan oblysynda túrli jumystardy oryn­daýmen aınalysatyn adam­dar, sonyń ishinde fer­mer­lik sharýashylyqtaǵy ju­­mysshylar suranysqa ıe boldy. Ońtústik aımaqtarda jumys kúshiniń jetispeýshiligi faktorlarynyń biri koronavırýs ınfeksııasyna baılanysty kórshi elderden maýsymdyq mıgranttardy tartýdaǵy qıyn­dyqtar bolýy múmkin.

Ornalastyrylǵan túıin­demelerge qatysty ERDO taldaýshylary eldiń 8 óńirinde túıindemeler sanynyń art­qanyn atap ótti. Eń úlken ósim (+63%) Aqtóbe oblysynda baıqaldy. Sonymen qatar el boıynsha túıindemelerdiń eń úlken ósýi qosalqy ju­mys­shylar, kógaldandyrý bo­ıynsha jumysshylar, eldi mekenderdi abattandyrý boıyn­sha jumys­shylar jáne túrli jumystardy oryndaýmen aınalysatyn ju­mysshylar sııaqty bi­lik­ti­likti talap etpeıtin kásip­ter bo­ıynsha baıqalady. Bilik­ti qyzmetkerler arasynda túıin­demeniń eń kóp ósýi tár­bıe­shilerde, kompanııa dırektorlarynda jáne konsýltant-satýshylarda baıqalady.

Jalpy alǵanda, qajetti biliktilik deńgeıi boıynsha naryqtaǵy suranys usynysty qanaǵattandyrady jáne qyzmet kórsetý, qurylys jáne aýyl sharýashylyǵy salalaryndaǵy ekonomıkalyq qyzmettiń qar­qyndylyǵyn kórsetedi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar