«Biz bul jumysty Dúnıejúzilik jabaıy tabıǵat qorymen birlese atqarýdamyz. Erkindikke shyqqan túz taǵysynyń tynys-tirshiligin úzdiksiz baqylaý úshin tıisti aýmaqtarǵa fototuzaqtar ornatyldy», deıdi Almaty oblystyq orman sharýashylyǵy jəne janýarlar dúnıesi ınspeksııasynyń bólim basshysy Leonıd Sıdorenko.
Mamannyń aıtýynsha, Qazaqstannyń qyzyl kitabyna engen buqar buǵylaryn saqtap qana qoımaı, óz tóli esebinen kóbeıtý baǵytyndaǵy ıgilikti is ilgeri basyp keledi. Baıaǵyda Balqash óńirinde olar úıir-úıirimen órgen kórinedi. Biraq ótken ǵasyrdyń basynda kúrt azaıyp, keıin tipti joǵalyp ketken. Endi sol olqylyqtyń ornyn toltyrý maqsatynda talpynys jasalýda. Myna shara sonyń bir aıǵaǵy ekeni anyq.
«Egemen-aqparat»
