Qoǵam • 23 Shilde, 2021

Jazǵy lagerge tegin qymyz jetkizedi

94 ret kórsetildi

Bizge Malaısary batyr atyndaǵy mekteptiń dırektory Anar Jetibaeva jergilikti kásipkerlerdiń bastamasymen mektep janyndaǵy jazǵy lagerge qymyz jetkizilgenin qýana habarlady. Elimizdegi «Qaıyrymdy ister marafony» jalpyulttyq jobasyna oraı aýylsharýashylyq qurylymdary da úles qosyp jatyr.

Al jalpy, mektepte 125 bala bilim alady. Qazirgi kezde jazǵy lagerde eki maýsymda 1-7-synyp aralyǵyndaǵy áleýmettik tur­ǵydan az qam­tylǵan, kóp balaly otba­sy­nan shyqqan 30 bala dema­lýda. Balalarmen psıholog, kitaphanashy, medbıkeler jumys isteıdi. Sporttyq sha­ralar men túrli saýyqtyrý jat­tyǵýlary, kún terapııasy, qum terapııasy ótkiziledi.

Anar Jetibaevanyń aıtýynsha, balalarǵa durys ta­maqtanyp, densaýlyǵyna shı­pa bolatyn qymyz ben dá­rýmender ishý qajet ekeni bel­gili. Mektepte ashylǵan «Jaýqazyn» dep atalatyn ba­la­lar­dyń jazǵy saýyqtyrý la­gerine Ándir Madı basqaratyn «Madı» jáne Qaıyrjan Ja­rylǵazınniń «Jarylǵazın» sharýa qojalyqtary demeýshilik jasaýda. Qos sharýashylyqtyń ónim óndirý boıynsha arnaıy sertıfıkattary bar. Ár­qaı­sysy 5 lıtrden kúnine 10 lıtr qymyz jetkizedi. Balalar kún­delikti tórt ýaqyt tamaqtan keıin jatar aldynda, keıde tań­erteń qymyz ishedi.

– Iá, biz erteńgilik dene jat­tyǵýlaryn jasaımyz. Medbıke apaı densaýlyǵymyzdy, dene tazalyǵyn tekseredi. Dámdi qy­myz ishemiz. Túrli taqyrypta psıhologııalyq trenıngter de ótkizildi. Tústen keıin bı bılep, án aıtyp, túrli qoıylymdarǵa qatysamyz. Jaz mezgilindegi tabıǵatty, jazǵy demalys týraly áserlerimiz jaıly sýretter salamyz. La­ger­de óte kóńildi. Sporttyq oıyn­dar oınap, aýyl mańyna ekskýrsııaǵa baramyz, – deıdi demalýshy balalar.

Ydysta yrys bar. Balalarǵa qymyz ulttyq ydystar, tosta­ǵandarmen beriledi. Bul da – jaqsy tárbıe. Jas muǵalimder ata-baba murasyn saqtaý taqy­rybynda aǵashtan jasalǵan shara aıaq, shara, zere, saptyaıaq, tostaǵan, tegene, tabaq, astaý, kersen, shómish, ojaý, qasyq, aǵash shelek, kúbi, shelek sııaqty ydys-aıaqtyń túrlerimen de tanystyrady.

Lagerdiń jetekshileri jas ma­mandar, muǵalimder Aı­dana Amanjolova, Asıma Iman­baeva, Laýra Ýrıýmova, Kamıla Soltanova balalardyń bos ýaqyt­taryn qyzyqty ótkizý­de izde­nispen qyzmet etýde. Demalys ýaqytyn tıimdi uıym­dastyrýda salaýatty ómir salty, ólketaný jáne týrızm, pa­trıottyq tárbıe, ekologııalyq tárbıe, ata-babalar murasyn saqtaý sııaqty baǵyttarda joba-josparyn quryp, jumys jasaýda.

 

Pavlodar oblysy,

Maı aýdany,

Malaısary batyr aýyly

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar