Vıse-premer Densaýlyq saqtaý mınıstri men Nur-sultan, Almaty, Shymkent qalalary, Qaraǵandy, Atyraý oblystary basshylyǵynyń óńirlerdegi epıdemıologııalyq jaǵdaı týraly esebin tyńdap, medısınalyq uıymdar men halyqty qajetti dárilik zattarmen jáne medısınalyq buıymdarmen tolyqqandy jáne úzdiksiz qamtamasyz etý boıynsha sharalar qabyldaýdy tapsyrdy.
Vedomstvoaralyq komıssııa eldegi táýliktik syrqattanýshylyqtyń 65% - in jáne táýliktik ólim jaǵdaılarynyń 55% - in quraıtyn Nur-sultan, Almaty, Shymkent, Atyraý, Qaraǵandy qalalarynda karantındik sharalardy kúsheıtý týraly sheshim qabyldady.
Bul aımaqtarda aǵymdaǵy jyldyń 2 tamyzynan bastap mynadaı shekteý sharalary kúshine enedi:
ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn qospaǵanda, "Ashyq" jobasyna qatyspaıtyn barlyq kásiporyndar men uıymdardyń qyzmetin toqtata turý;
oıyn-saýyq, sporttyq, otbasylyq, estelik jáne ózge de buqaralyq is-sharalardy ótkizýge tyıym salý;
memlekettik organdar, keńseler, ulttyq kompanııalar men ózge de uıymdar qyzmetkerleriniń 80% - in qashyqtyqtan jumys jasaýǵa aýystyrý (vaksına saldyrǵandardy jáne sońǵy 3 aı ishinde aýyryp jazylǵandardy qospaǵanda).
Sondaı-aq, Aqmola, Almaty, Qaraǵandy oblystarynyń ákimdikterine Nur-Sultan (Býrabaı, Selınograd, Arshaly aýdandary), Almaty (Qarasaı, Talǵar, Ile, Eńbekshiqazaq aýdandary), Shymkent qalalarymen (Saıram, Tólebı aýdandary), Qaraǵandymen (Temirtaý, Shahtınsk, Abaı) shekaralas aýdandarynda karantındik sharalardy kúsheıtý boıynsha sharalar qabyldaý usynyldy.
О́ńirlerdiń ákimdikterine shekteýler engizý jáne olardyń saqtalýyn baqylaý boıynsha barlyq sharalardy qabyldaý tapsyryldy.
Vıse-Premer koronavırýstyq ınfeksııanyń taralýyna qarsy kúreste monıtorıngtik toptar jumysynyń mańyzdylyǵyn jáne barlyq óńirlerde osy baǵyttaǵy belsendiliktiń tómendigin atap ótti. ShOB nysandaryn reıdtermen qamtýdyń barynsha tómendeýi Aqtóbe, Mańǵystaý, Soltústik Qazaqstan, Jambyl, Qyzylorda, Aqmola, Atyraý oblystarynda, sondaı-aq Almaty jáne Shymkent qalalarynda baıqalady. Anyqtalǵan buzýshylyqtar sanynyń tómendeýi Mańǵystaý, Pavlodar, Almaty, Soltústik Qazaqstan jáne Aqtóbe oblystarynda baıqalady.
E.Toǵjanov barlyq óńirlerde monıtorıngtik toptardyń jumysyn jandandyrýdy tapsyrdy.
Sondaı-aq, Vıse-Premer elimizdiń keıbir óńirlerinde vaksınasııanyń tómen qarqynyn atap ótti. Mysaly, Mańǵystaý oblysynda halyqtyń tek 25,6%-y 1-shi komponentpen egildi, bul respýblıka boıynsha ortasha mánnen 2 ese tómen (52,4%). 6 óńirdiń (BQO, Aqtóbe, Qostanaı, Qaraǵandy, Jambyl, Pavlodar oblystary) kórsetkishteri el boıynsha ortasha mánnen aıtarlyqtaı artta qalyp otyr.
Bas memlekettik sanıtarııalyq dárigerdiń 2021 jylǵy 14 shildedegi №32 Qaýlysyna sáıkes aǵymdaǵy jylǵy 10 tamyzǵa deıingi merzimde qyzmet kórsetý salasynyń barlyq qyzmetkerleri KOVID-19 vaksınasynyń birinshi komponentimen ekpe alýy tıis.
