Rýhanııat • 22 Qazan, 2021

Arhıv isin damytý – kún tártibindegi is

60 ret kórsetildi

El Táýelsizdiginiń 30 jyldyq mereıtoıyna oraı Prezıdent arhıvinde «Qazirgi kezeńdegi arhıv isi: máseleler, tájirıbeler, ınnovasııalar» taqyrybyna arnalǵan úshinshi ǵylymı-tájirıbelik konferensııa ótti.

Álemdik arhıv ǵylymynyń jetistikteri jan-jaqty sóz bolǵan halyqaralyq konfe­ren­sııada ekonomıka men qo­ǵam­nyń tehnologııalyq jań­ǵy­rýynyń tájirıbeleri, sıfr­ly tehnologııalardy bel­sendi engizý máseleleri de kún tártibine shyǵaryldy. Jıynǵa qaty­sýshylar sondaı-aq arhıvter qyzmetiniń jańa mazmunyn eske­re otyryp, aldaǵy ýaqytta ar­hıv isin damytý jaıly oı-pikir­lerin ortaǵa saldy. Qoǵam­dyq sanany jańǵyrtýdaǵy ar­hıv­terdiń róli, búgingi arhıv sa­lasynyń jaǵdaıy da nazardan tys qalmady. Kon­feren­sııada Qa­zaq­stan Respýb­lı­kasy Ulttyq ar­hıv qorynyń qujattarynyń saq­talýy jáne olardyń qolje­tim­diligin qam­ta­masyz etý máse­leleri keńinen sóz boldy.

Prezıdent Keńsesiniń basshysy Nurlan Onjanov quttyqtaý sózinde konferensııanyń al­ǵash ret onlaın formatta uıym­das­tyrylyp otyrǵanyn aıta kelip, mundaı alańnyń arhıv isiniń elimizdiń túrli óńir­leri men Belarýs, Qytaı, Qyr­ǵyz­stan, Polsha, Reseı jáne О́zbek­stannan kelgen kásibı maman­dar­dyń basyn biriktirýge múm­kin­dik bergenin de alǵa tartty. Arhıv salasyn damytýdyń ózek­ti máselelerin talqylaýda jıynnyń mańyzdylyǵy men qajettiligin atap kórsetken N.Onjanov: «Tolyq sıfrlandyrý – qazirgi tańda álemde báse­kege qabilettiliktiń basty fak­tor­larynyń biri. Muny Prezı­dent Qasym-Jomart Toqaev sońǵy Joldaýynda da erekshe atap ótti. Sondyqtan jahan­dyq aqparattandyrý dáýirin­de konferensııanyń kún tárti­binde kóterilip otyrǵan máse­le­leri erekshe mánge ıe», dedi. Al Qazaqstan, Qyrǵyzstan, Pol­sha, Reseı, О́zbekstan jáne Fınlıan­dııa­nyń ǵalymdary men tájirı­beli mamandary qatysqan konferensııada «HHI ǵasyrdaǵy ar­hıv isi: dástúr jáne damytý ba­ǵyttary», «Arhıvter jáne qoǵam: tarıhı jadyny saqtaýdaǵy árekettestik», «Ar­hıv­tik bilim: kadrlardy daıarlaý máseleleri» taqyryptary qyzý talqylandy.

Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar