Qoǵam • 13 Qańtar, 2022

Áýlıeatalyqtarǵa – áleýmettik kómek

35 ret kórsetildi

Áýlıeata óńirinde áleýmettik jaǵdaıy tómen otbasylarǵa kómek kórsetý jalǵasyp keledi. Jýyrda oblys boıynsha 7 600 otbasyǵa 100 mln 409 myń teńgege demeýshilik kómek kórsetildi. Olardyń qatarynda az qamtylǵan, kópbalaly otbasylar men jalǵyzbasty zeınetkerler jáne múgedek balalar bar. Turǵyndarǵa kómek retinde azyq-túlik pen turmysqa qajetti zattar berildi. Áýlıeatalyqtar ákimdik tarapynan berilgen bul áleýmettik kómekke alǵys aıtýda.

Taraz qalasynyń turǵyny Aqjan О́miralıeva – bes balanyń anasy. Kópbalaly ana balalaryn jalǵyz ózi tárbıelep keledi. Balalardyń úlkeni 15 jasta bolsa, kenjesi bir jasta ǵana. Al «Altyn alqa» ıegeri Jaına Toqseıitova da jalǵyz ózi jeti balany tárbıelep otyr. Alaıda qazirgi kezde baspana taýqymetin tartyp, balalarymen jaldamaly úıde turyp jatyr eken. Turǵynnyń tilegin eskergen oblys ákimi Berdibek Saparbaev Taraz qalasynyń ákimi Erjan Jylqybaevqa óńirde júzege asyrylyp jatqan «Asarlatyp úı salý» jobasy aıasynda kópbalaly otbasynyń baspanaly bolýyna kómektesýdi tapsyrdy. Kóptiń kómegimen Jaına Toqseıitova jaqynda baspanaly bolady. Alty balanyń anasy Gúljazıra Tasqynbekova da áleýmettik az qamtylǵan otbasylar qatarynan. Osy jáne ózge de otbasylarǵa ákimdik tarapynan qoldaý kórsetildi.

Kópbalaly analardyń shańy­ra­ǵynda bolǵan B.Saparbaev ana men balany qoldaý, otbasy qundylyqtaryn nyǵaıtý jáne damytý – memlekettiń áleýmettik saıasatynyń negizgi baǵyttarynyń biri ekenin, ákimdik óńirdegi az qamtylǵan jáne kópbalaly otbasylarǵa ary qaraı da kómek kórsete beretinin jetkizdi.

 

Jambyl oblysy

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar