Jerlesterimiz elıtalyq dıvızıondaǵy dodada sátti óner kórsetý úshin daıyndyqtyń birinshi kezeńin sáýir aıynyń ortasynan bastap ketti. Elordadaǵy «Barys Arenada» uıymdastyrylǵan oqý-jattyǵý jıyny qysqartylǵan quram oıynshylarymen ótti. О́ıtkeni sol ýaqytta Qaraǵandynyń «Saryarqasy» jáne Kókshetaýdyń «Arlany» shaıbaly hokkeıden el birinshiliginiń bas júldesin sarapqa salyp jatqan edi. Sonymen qatar «Barys» sapynda jáne QHL-nyń basqa da ujymdarynda óner kórsetetin qazaqstandyq hokkeıshilerdiń keıbiri qysqa merzimdi demalysqa ketken bolsa, ózgeleri áli de Gagarın kýbogy jolyndaǵy joryǵyn jalǵastyryp jatqan edi. Sondyqtan Iýrıı Mıhaılıs alǵashqy jattyǵýyn tek jergilikti hokkeıshilermen ǵana ótkizýge májbúr boldy. Keıinnen sáýirdiń sońynda barlyq jarystar óz máresine jetip, alǵashqy jıynǵa kele almaǵan hokkeıshiler elordada bas qosty.
Sóıtip, tolyq quramy jasaqtalǵan Qazaqstan quramasy 3 mamyrda ekinshi oqý-jattyǵýyn ótkizý úshin elordadan Latvııa astanasy – Rıgaǵa attandy. Olardyń qatarynda el chempıony atanǵan qaraǵandylyq klýbtyń oıynshylary – Saıan Danııar, Mıhaıl Rahmanov, Emıl Nurǵalıev jáne fınalda oınaǵan «Arlannyń» qaqpashysy Ilıa Rýmıansev bar. Sonymen qatar Rıgadaǵy «Daýgava arenada» ótken alǵashqy jattyǵýǵa Kertıs Volk («Avtomobılıst»), Vıktor Svedberg («Avangard»), Djessı Bleker («Avtomobılıst»), Magnıtogorskiniń «Metallýrg» klýbymen birge Gagarın kýbogynyń fınalyna shyqqan Pavel Akolzın de qosyldy. Al SSKA klýbymen Gagarın kýbogyn jeńip alǵan qorǵaýshy Darren Dıs birer kún buryn Rıgaǵa keldi.
Osylaısha, álem chempıonatynda óner kórsetýi múmkin bolǵan barlyq oıynshylar ulttyq quramanyń Rıgadaǵy jattyǵýyna qatysyp jatyr. Qazaqstan quramasy 8 jáne 9 mamyrda Latvııa hokkeıshilerimen joldastyq match ótkizip, 10 mamyr kúni Fınlıandııaǵa attanady. Helsınkıdegi segiz myń jankúıer sııatyn «Helsınkı» muz saraıynda ótetin «A» tobyndaǵy oıyndarda jerlesterimiz Danııa, Kanada, Germanııa, Shveısarııa, Slovakııa, Italııa jáne Fransııa quramalarymen baq synaıdy. Al «V» tobynda jarys qojaıyny Fınlıandııadan bólek, AQSh, Chehııa, Shvesııa, Latvııa, Norvegııa, Ulybrıtanııa jáne Aýstrııa quramalary kúsh synasady. Olar Tamperedegi 13 myń adamdyq «Nokıa Arenada» óner kórsetedi.
Qazaqstan quramasy chempıonattyń toptyq kezeńdegi alǵashqy oıynyn 14 mamyr kúni elorda ýaqytymen saǵat 15:20-da Danııa hokkeıshilerimen ótkizedi. Al 15 mamyrda – Fransııamen (19:20), 17 mamyrda – Shveısarııamen (23:20), 19 mamyrda – Kanadamen (23:30), 20 mamyrda – Slovakııamen (23:20), 22 mamyrda Germanııamen (19:20) oınasa, toptaǵy sońǵy oıynyn 23 mamyrda Italııa (19:20) hokkeıshilerimen ótkizedi.
О́kinishke qaraı, byltyrǵy álem chempıonatynda jasyndaı jarqyldaǵan qaqpashy Nıkıta Boıarkın jaraqatyna baılanysty bul joly ulttyq quramaǵa kómektese almaıtyn boldy. Iýrıı Mıhaılıs onyń ornyna «Saryarqanyń» qaqpashysy Denıs Karataevty shaqyrdy. Sondaı-aq Mıhaılıs Fınlıandııada Andreı Shýtov («Barys»), Sergeı Kýdrıavsev («Iýjnyı Ýral», Orsk) jáne Ilıa Rýmıansevke («Arlan») senim artady.
Qorǵanysqa Ádil Beketaev, Samat Danııar, Valerıı Orehov, Egor Shalapov («Barys»), Djessı Bleker («Avtomobılıst»), Darren Dıs (SSKA), Leonıd Metalnıkov («Admıral»), Emıl Nurǵalıev («Saryarqa»), Vıktor Svedberg («Avangard»), Ivan Stepanenko («Beıbarys») jaýapty bolsa, shabýylda Pavel Akolzın («Metallýrg»), Álıhan Ásetov, Dmıtrıı Gýrkov, Nıkıta Mıhaılıs, Egor Petýhov, Kırıll Savıskıı, Anton Sagadeev, Arkadıı Shestakov («Barys»), Kertıs Volk («Avtomobılıst»), Maksım Muhametov («Nomad»), Dmıtrıı Grens («Torpedo»), Saıan Danııar, Mıhaıl Rahmanov («Saryarqa»), Batyrlan Muratov (Rovaniemen Kiekko, Fınlıandııa), Kırıll Panıýkov («Ak Bars»), Evgenıı Rymarev («Iýgra»), Roman Starchenko (NSA) jáne Dmıtrıı Shevchenko («Avangard») oınaıdy.
Aıta keteıik, álem chempıonatyna qatysatyn hokkeıshilerdiń sońǵy tizimine tek 25 hokkeıshi (22 alań oıynshysy jáne 3 qaqpashy) enedi.
