Qazir jasandy ushyp-qoný jolaǵyna asfaltbeton jabynyn tósep, 2 100 metrge deıin uzartý arqyly eki áýe kemesine shaqtalǵan joldar men perrondy ornatýǵa baılanysty jumystar aıaqtaldy. Sol sekildi patrýldik joldy jaılastyrý men qoıma, jaǵarmaı materıaldarynyń zerthanasyn salýǵa arnalǵan jer ýchaskelerin daıyndaý jumystary oryndalyp bitti.
Áýejaıdy elektr energııasymen qamtamasyz etý úshin kabeldi ornatý jumystary da aıaqtalýǵa jaqyn.
Buǵan deıin Indýstrııa mınıstrligi Úrjar áýejaıyndaǵy qurylys-montaj jumystaryn dereý aıaqtaýdy tapsyrǵan edi. Jergilikti atqarýshy organdar jańǵyrtýǵa qatysty barlyq jumysty týrıstik maýsymnyń bastalýyna qaraı aıaqtaýdy kózdegen bolatyn. Alaıda merdigerler tarapynan tıisti jumystardyń kesh oryndalýyna baılanysty iske qosý merzimi keıinge aýystyryldy.
О́tkizilgen konkýrs qorytyndysyna sáıkes Úrjar – Almaty jáne Úrjar – Nur-Sultan áýe baǵytyndaǵy tasymaldaý qyzmetin atqarýǵa «Iýjnoe nebo» avıakompanııasy belgilendi.
Reıster «An-24» áýe kemelerimen jazǵy maýsymda ár baǵyt boıynsha, aptasyna 10 reıs jıiligimen, qalǵan ýaqytta 5 reısten oryndalady. Bılet quny 14-16 myń teńgeniń aralyǵyn quraıdy.
Jańa jóndeý kestelerin eskere otyryp, Úrjar áýejaıyndaǵy jóndeý jumystary tamyzdyń basynda aıaqtalady dep josparlanyp otyr.
Abaı oblysy,
Úrjar aýdany
