Qazaqstan • 19 Tamyz, 2022

60 myń gektar jaıylym memleketke qaıtaryldy

33 ret kórsetildi

Amanat partııasy janyndaǵy «Jer amanaty» komıssııasynyń Aqmola oblysyna sapary barysynda memleket menshigine 60 myń gektar jaıylymdyq jer qaıtaryldy. Endi bul jer ýchaske­lerin aýyl turǵyndary mal jaıý jáne shóp shabý úshin paıdalanatyn bolady. Bul jóninde partııanyń baspasóz qyzmeti habarlady.

Memleket basshysy Qasym-Jomart Toqaev buǵan deıin paıdalanylmaı jatqan jaıylymdyq jerlerdi memleket men­shi­gi­ne qaı­ta­rý jóninde naqty tapsyrma bergen bolatyn.

Partııa hatshysy Dáýlet Káribek aýyl shar­ýa­­­shylyǵy taýar óndi­rý­­­shi­­lerimen memoran­dým ja­­sal­­ǵanyn atap ótti. So­ǵan sáıkes, sharýalar 333 myń gektar jerdi budan bylaı aýyl turǵyndarymen birlesip paıdalanady.

«Aqmola oblysynyń turǵyn­dary úshin jaıylym jerdiń jetis­peýshiligi óte ózekti másele bolyp otyr. Sondyqtan komıssııa músheleri munda belsendi jumys istep jatyr. Mem­lek­ettik organdarmen jáne iri menshik ıelerimen birle­sip qabyldaǵan sheshim­der­diń oryndalý barysyna monıtorıng júrgizýdi jalǵastyramyz», dedi ko­mıs­sııa múshesi, qoǵam qaı­rat­k­eri Ǵalym Baıtoq.

Tanymal jýrnalıst,­ komıssııa múshesi Maqsat Tolyqbaı komıs­sııa ókil­de­riniń 3 aıdan beri óńirlerdi aralap kele jatqanyn aıtty. «Mem­le­kettik organ­dar­dyń ókilderi men partııa­lyq­tardan bólek, komıssııa quramynda qoǵam belsen­di­leri jáne zańgerler bar. Jaıylym máselesi uzaq ýa­qyt boıy qordalanyp keldi. Ony bir kúnde sheshý múmkin emes. Sondyqtan partııanyń barlyq tetigin iske qosyp, ár oblystaǵy máseleni birlesip sheship kelemiz», dedi M.Tolyqbaı.

Kezdesý barysynda Atbasar aýdany Sochınskoe aýy­lynyń turǵyny Asyl­han Tastemirov eldi me­­ken­ge bekitilgen 6 myń gek­­­tar ja­ıy­lymnyń azdyq etip otyr­­ǵanyn jetkizdi.

«Aýylda 200-ge jýyq úı bar. Turǵyndardyń barlyǵy derlik mal sharýa­shy­ly­ǵy­men aınalysady. Aýyl halqy iri qara, jylqy ósirip jan baǵyp otyr. Jaıylym máselesi óte ózekti. Komıs­sııa osy máseleni sheshýge kómektesedi dep úmitte­ne­miz», dedi aýyl turǵyny.

Osy kúni «Jer amanaty» komıs­sııasynyń múshe­le­ri San­dyqtaý aýdanynda jer máse­­lesi boıynsha azamattardy qabyl­dady. Turǵyndar tarapy­nan aı­tyl­ǵan barlyq másele par­tııa­lyq baqy­laýǵa alyndy.

Aıta keteıik, sońǵy bir­neshe aı ishinde komıs­sııa músheleri Jetisý, Qara­ǵan­d­y, Qostanaı, Jambyl, Túrkistan, Aqtóbe jáne Soltústik Qazaqstan oblys­ta­ryn­da boldy. Jalpy, «Jer amanaty» komıssııa­sy­nyń kóme­gi­men 350 myń gektardan astam jer mem­le­ket­tik menshikke qaıta­ryl­dy.

Jer máselelerin neǵur­lym jedel sheshý úshin qazaq­standyqtar barlyq zań buzý faktileri týraly partııanyń «Jedel jeli» 8 800 080 44 41 telefonyna habarlaı alady. О́tinimder WhatsApp arqyly da +7 700 800 44 41 nómir boıynsha qabyldanady.

Sońǵy jańalyqtar

Senbige arnalǵan aýa raıy boljamy

Aýa raıy • Búgin, 15:21

Uqsas jańalyqtar