Oblystyq polısııa departamenti baspasóz qyzmetiniń málimetinshe, zańdy belden basqan sheteldikter «Mıgrant» jedel profılaktıkalyq is-sharasy kezinde jıi anyqtalady. Jaqynda Atyraý oblysynda 900-den astam sheteldiktiń qujatsyz júrgeni belgili boldy. Máselen, 583 ózge eldiń azamaty elimizdiń kóshi-qon zańnamasyn buzǵany úshin Ákimshilik quqyq buzýshylyq týraly kodekstiń 517-babynyń 3, 4, 5, 6 jáne 7-bóligimen ákimshilik jaýapqa tartylǵan. Al sheteldiń 31 azamatyna atalǵan qujattyń 519-babymen, 372 zańsyz «qonaqqa» 518-babymen ákimshilik hattama toltyrylǵan. Sondaı-aq ákimshilik quqyq buzǵan 31 sheteldik azamattyq is júrgizý jáne ákimshilik tártibimen el aýmaǵynan shyǵaryldy. Jeke basyn anyqtaıtyn qujattardyń bolmaýyna baılanysty О́zbekstan Respýblıkasynyń 91 azamaty qabyldaý-taratý ornyna ornalastyryldy.
– «Mıgrant» is-sharasy kezinde Atyraý qalalyq polısııa basqarmasy №2 polısııa bóliminiń ýchaskelik polısııa ınspektory Nursultan Keńesov qujatsyz júrgen 72 jastaǵy sheteldikti anyqtady. О́zbekstan Respýblıkasynyń azamaty Qazaqstanǵa 2000-jyldary kelip, qazaqstandyq áıelmen otbasyn qurǵan. Qazir erli-zaıyptylardyń ortaq bes balasy bar. Sheteldiktiń aıtýynsha, sol jyldary azamattyq alý úshin qujat daıyndamaq bolǵanymen, bul isti sońyna deıin jetkizbegen, – dep habarlady departamenttiń baspasóz qyzmeti.
Atyraý qalalyq polısııa basqarmasy kóshi-qon qyzmeti bóliminiń qyzmetkerleri elde bolý zańdylyǵyn buzǵan egde jastaǵy ózbekstandyqqa qatysty is-qujattardy jınaqtady. Naqtylaı aıtqanda, 1951 jylǵy sheteldiktiń jeke basyn anyqtap, eline qaıtarý úshin tıisti qujattar tizbesin О́zbekstan Respýblıkasynyń Aqtaý qalasyndaǵy konsýldyǵyna joldady. Dál osyǵan uqsas derek Qyzylqoǵa aýdanynda anyqtalyp otyr. Aýdandyq polısııa bóliminiń ýchaskelik polısııa ınspektory Qaıyrbek Qamaladenov ákimshilik aýmaqtaǵy turǵyn úılerdi tekserý kezinde ózbekstandyq áıeldi anyqtap, kóshi-qon qyzmeti tobyna jetkizdi. Atalǵan top qyzmetkerleri sheteldik áıeldiń Qazaqstan Respýblıkasynyń aýmaǵyna 2010-jyldary kirgenin anyqtady. Sodan beri qujatynyń elde bolý merzimi bitkenin bile tura, Qazaqstan aýmaǵynan óz erkimen shyǵyp ketpegen. О́zbekstandyq áıel Qazaqstan azamatyna kúıeýge shyǵyp, zańdy nekege otyrǵan. Eki balany dúnıege ákelgen. Sheteldiktiń túsindirýinshe, Qazaqstan Respýblıkasynyń azamattyǵyn alýǵa nıeti bolǵan. Biraq 13 jyldan beri azamattyq alýǵa qajetti qujattardy tolyq jınaqtap tapsyrmaǵan.
Qazir kóshi-qon qyzmeti tobynyń qyzmetkerleri sheteldiktiń kóshi-qon zańdylyǵyn buzǵanyna baılanysty hattama toltyrdy. Jınaqtalǵan is-qujattary Qyzylqoǵa aýdandyq sotyna jiberildi.
Atyraý oblysy
