Aýyl jastarynyń forýmy

Jýyrda Qaraǵandy oblysy jas­tarynyń 2008-2010 jyldarǵa arnalǵan aımaqtyq baǵdarlamasyn júzege asyrýǵa baılanysty Abaı aýdanynyń Abaı qalasynda VII ob­­lystyq aýyl jastarynyń forýmy ótti. Eki kúnge jalǵasqan sharaǵa oblystyń toǵyz aýdanynan kelgen delegattar qatysty. Onda aýyl jas­tary arasyndaǵy sheshimin tappaı kele jatqan mańyzdy máseleler talqylandy. Forýmǵa Nura aýdanynyń delegat­tary birkisideı atsalysyp óz úles­terin qosa bildi. “Birligimiz jarasqan!” aı­dary­men arnaıy tigilgen kıimdermen erekshelengen Nura aýdanynyń jas­tary delegasııasyn “Jastar kadrlyq rezervi” jobasynyń túlegi Baıbol Túsipov basqaryp bardy. Forýmnyń ashylý rásiminde Qaraǵandy oblystyq máslıhatynyń hatshysy Beısembaı Jumabekov, oblystyq ishki saıasat bas­qarmasynyń bastyǵy G.Qańtar­bekova, Abaı aýdanynyń ákimi T.Altynbekov sóz alyp, atalmysh shara jastardyń oblystyń qoǵamdyq-saıası ómirine belsene aralasýyna yqpal etetinin atap ótti. Rásim barysynda erekshe kózge túsken jastarǵa oblys ákimdi­giniń qurmet gramotasy jáne baǵaly syılyqtary tabys etildi. Olardyń arasynda Nura aýdany “Indýstrıal­nyı” orta mektebiniń muǵalimi, Tassýat aýyldyq jastar keńesiniń tóraǵasy Erqanat Ábdirahmanov ta bar. Juldyz BAIDILDA, L.Gýmılev atyndaǵy Eýrazııa ulttyq ýnıversıtetiniń stýdenti.