Sheberlikterin shyńdaýdy maqsat tutty

“Nur Otan” halyqtyq-demo­kratııalyq partııasynyń ortalyq apparatynda “Qalamger-Azamat” III respýblıkalyq jas jýrnalıster forýmyna qatysýshylarmen kezdesý ótti. Kezdesýge Baılanys jáne aqparat vıse-mınıstri Nuraı Orazov qatysty. “Zańǵar” shyǵarmashylyq bir­­les­tiginiń tikeleı uıytqy bolýy­men, Baılanys jáne aqparat mı­nıstrliginiń qoldaýymen uıymdas­tyrylǵan bul sharanyń maqsaty – elimizdiń túkpir-túkpirindegi jas jýrnalısterdiń basyn qosyp, semınar-trenıngter ótkizý, sol ar­qyly elimizdiń áleýmettik, eko­no­mıkalyq salalaryn damytý baǵy­tyndaǵy aýqymdy jobalardy qol­daý. Bul rette Baılanys jáne aq­parat vıse-mınıstri Nuraı Orazov mundaı forýmdardyń mańyzy aıryqsha ekenine toqtalyp, Elbasynyń jastar damýyna aı­ryqsha kóńil bólip otyrǵanyn atap ótti. Sondaı-aq, atalǵan forým­nyń elimizdegi jas jýrnalısterdiń kásibı ósýi men shyǵarmashylyq turǵyda tájirıbe almasýyna úlken múmkindik týǵyzatynyn da tilge tıek etti. Basqosý barysynda ol Baı­lanys jáne aqparat mınıstri As­qar Jumaǵalıevtiń forým qa­tysýshylaryna arnaǵan qut­tyq­taýyn oqyp berdi. Onda “Qazirgi egemen Qazaqstanda sizderdi, jas qalam­gerler, bıik maqsattar men belester kútip tur. Qazaqstan eliniń, qazaq jýrnalıstıkasynyń qarysh­tap damýy sizderge, ıaǵnı jastarǵa tikeleı baılanysty eken­di­gine senimdimin. Sanaly da sapa­ly, bi­lim­di de belsendi jastary bar eldiń bolashaǵy qashanda zor, eńsesi qashanda bıik bolmaq. Men sizderge jas memleketimizdiń damýy­na úles qosyp júrgenderińiz úshin alǵy­sym­dy bildirip, bolashaqta óz sala­synyń naǵyz maıtalmandary bolý­laryńyzǵa tilektespin”, delingen. Sonymen qatar quttyqtaý hatta mundaı forýmdar nátıjesinde jas jýrnalıster kásibı turǵydan jańa deńgeıge ósetindigi, bul oraıda Memleket basshysy tarapynan jas tolqynǵa jasalyp otyrǵan qam­qor­­lyqtyń orasan ekendigi, búgingi jańalyqtardyń jarshysy bola bilgen jas tilshiler qaýymy qoǵam men bılik arasyndaǵy berik kópirge aınalǵandyǵy, sebebi, qazirgi jahandaný zamanynda jýrnalıst mamandyǵy joǵary kásibı bilik­tilik pen saıası saýattylyqty talap etetin asa jaýapty mamandyq ekendigi de atap kórsetilgen. Bir atap óterligi, úsh kúnge sozyl­ǵan forým aıasynda “Qazaq bas­pasóziniń damýy”, “Telebaǵdar­lamalar men jańalyqtar sıýjet­teriniń búgingi sapasy qaı deń­geıde?”, “Qazaq tilindegi ınternet resýrstarynyń damýy” atty taqyryptar boıynsha semınarlar uıymdastyrylyp, forýmǵa qatysý­shylar atalǵan máseleler jóninde óz oı-paıymdaryn talqy tarazy­syna saldy. Láıla EDILQYZY.