Uıaly baılanys tarıfteri tómendemek

Baılanys jáne aqparat mı­nıstrliginde Halyqaralyq GSM assosıasııasy, “Kar-Tel” JShS jáne Básekelestikti qorǵaý agent­tigi ókilderiniń qatysýymen ın­terkonnekt (jeliaralyq qo­sylý) stavkalaryn tómendetý máseleleri jóninde kezdesý bolyp ótti. Bul kezdesý Baılanys jáne aqparat mınıstrliginiń uıaly baılanys qyzmeti tarıfterin tómendetý jónindegi jumysy sheńberinde uıymdastyryldy. Osy oraıda ústimizdegi jyldyń shilde aıynda Baılanys jáne aqparat mınıstri A.Jumaǵalıev­tiń Qazaqstan baılanys opera­torlary keńesimen kezdesýi barysynda kompanııanyń taıaý ýaqyttarda óz qyzmetteriniń tarıfterin túpki tutynýshy úshin jáne “ınter­konnekt­tiń” eseptik stavkalary bo­ıyn­sha tómendetý jóninen óz usy­nystaryn berý týraly mindet­teme alǵanyn eske sala ketý qajet. Kezdesýde Baılanys jáne aqparattandyrý komıtetiniń tór­aǵasy Rızat Nurshabekov habar­laǵandaı, uıaly baılanys opera­tor­lary arasynda jeliara­lyq qosylýlarǵa sonaý 1999 jyly belgilengen tarıfter sońǵy 11 jyl boıyna ózgermegen. Sol sııaqty ol “ınterkonnekt” stav­ka­­larynyń joǵary bolýynyń uıaly balanys qyzmetteri tarıf­­terin tómendetýge kedergi keltirýi múmkin ekenin de atap ótti. Kezdesý qorytyndysynda R.Nur­shabekov mınıstrliktiń “ın­terkonnekt” stavkalaryn tómen­detýdi júzege asyrý týraly uıaly baılanys operatorlarynyń ortaq sheshimin kútetindigin atap kórsetti. Onyń oıynsha, bul máseleni sheshýde halyqtyń da, sol sııaqty uıaly baılanys operatorlarynyń da múddelerin eskere otyryp durys kózqaras taba bilý qajet. “Egemen-aqparat”.