Jedel jáne naqty

Úkimet Elbasynyń quqyq qorǵaý júıesin reformalaý jónindegi tapsyrmalaryn júzege asyrýǵa kiristi Jýyqta Aqordada elimizdiń quqyq qorǵaý salasyn reformalaýǵa arnalǵan keńes ótkeni belgili. Sonda Elbasy Úkimetke osy máselege qatysty birqatar tapsyrmalar bergen bolatyn. Úkimet Elbasynyń osy tap­syrmalaryn dereý júzege asyrý isin qolǵa aldy. Osy máselege baı­lanysty ótken Úkimet otyrysynda tapsyrmalardy oryndaýdyń naqty tetikteri anyqtalyp, olardy qarjylaı qamtamasyz etýdiń joldary qarastyryldy. Atalǵan máselege baılanysty Prezıdent Jarlyǵynda Úkimetke Prezıdent Ákimshiligimen jáne Qaýipsizdik keńesimen birlese oty­ryp tapsyrmalardy oryndaýdyń sharalar josparyn 1 aıdyń ishinde qamtamasyz etý mindettelgen edi. Osyǵan oraı Qarjy, Densaýlyq saq­taý, Bilim jáne ǵylym, Kólik jáne kommýnıkasııa mınıstrlik­te­ri bir aptanyń ishinde jekelegen mem­lekettik organdardy  qaıta uıymdastyrý isin qamtamasyz etip, qarjylardy bólýdiń, shtat­tan tys qyzmetterdiń tártip­terin aı­qyn­­dap, osyǵan sáıkes qaý­ly­nyń jobasyn ázirlep úlgerýi kerek. Sonyń ishinde Premer-Mı­nıstr Ishki ister mınıstr­li­gine quqyq buzý­shy­lyqtyń al­dyn alý sala­lyq baǵ­darlamasyn ázirleýge kiri­sýdi, al Ádilet mı­nıstrligine ót­peli kezeń ishinde sot sheshimderin oryndaýdy qamtamasyz etýdi júktedi. Quqyq qorǵaý salasyn re­for­malaý isi osy máselede naq­tylyq pen aıqyndyqty qalyp­tastyrýy tıis.  Ázirge salalar boıynsha qyz­­met­terdi atqarý tártibi ártúrli zań­dar boıynsha rettelip júr. Soǵan sáıkes qyzmetkerlerdiń qu­qyqtyq mártebesi, eńbek jaǵ­daıy, jeńil­dik­teri men zeınet­aqylyq tólem­deri de ártúrli zań­darmen ret­tel­gen. Ádilet mı­nıstri Rashıd Tú­sipbekovtiń aı­týynsha, “Quqyq qor­ǵaý qyzmeti týraly”, “Quqyq qorǵaý qyz­metiniń máseleleri boı­ynsha keıbir zań aktilerine túze­tý­ler men tolyqtyrýlar engizý tý­ra­ly” zań jobalarynyń qabyldanýy saladaǵy mine, osyndaı proble­ma­lardy joıatyn bolady. Jańa nor­ma­tıvtik-quqyqtyq aktilerge qyz­metkerlerdiń negizgi fýnk­sııa­la­ryn, áskerı jáne arnaýly dáre­­jelerin, ataqtaryn aıqyn­daıtyn erejeler engiziledi. Árıne, salany reformalaýǵa qatysty osyndaı ózgerister qo­sym­sha qarjy shyǵyndaryn qa­jet etetindikteri túsinikti. Osy­ǵan baılanysty Rashıd Túsip­bekov respýblıkalyq bıýdjetke en­gizilýi tıis aqshalaı qarajat­tardyń kó­lemi men bóliný tártibin usyndy. Osy boıynsha qyzmetkerlerdiń zeınet­aqylyq qamtý deńgeıin teńestirý úshin 2012 jylǵa – 4 mıllıard 84 mıllıon teńge, 2013 jylǵa – 3 mıllıard 805 mıllıon teńge, 2014 jylǵa 3 mıllıard 794 mıl­lıon teńge qajet bolmaq. Mu­nyń syr­tyn­da qosymsha sáıkes sharalardy júzege asyrý úshin taǵy da 6 mıllıard teńge kerek. Máseleni qorytyndylaǵan Úkimet basshysy otyrysta aı­tyl­­ǵan máselelerdi eskere oty­ryp El­basy bergen tapsyrmany barynsha jedel jáne naqty júzege asyrý qajettigin taǵy bir eske saldy. Suńǵat ÁLIPBAI.