Elorda eńselene túspek

Memleket basshysy Nursultan Nazarbaev “Astana qalasynyń bas jospary ǵylymı-zertteý ınstıtýty” MKK-da boldy, dep habarlady Qazaqstan Respýblıkasy Prezıdentiniń baspasóz qyzmeti. Astananyń bas jospary kásipornynda elordany odan ár damytý, qalanyń zamanaýı kommýnaldyq, áleýmettik jáne kólik ınfraqurylymyn qa­lyp­tastyrý máseleleri talq­y­landy. Prezıdentke qalanyń jańa nysandarynyń – medıa-or­talyqtyń, Mektep oqýshylary shyǵarmashylyq saraıynyń, Qazaqstan tarıhy murajaıy­nyń, jabyq turǵyn úı keshe­niniń jobalary tanysty­ryldy. Jańa medıa-ortalyqta óńir­degi eń úlken ári qazirgi zaman talaptaryna tolyqtaı saı keletin televızııalyq ke­shen ornalasady. Jalpy aýmaǵy 45 myń sharshy metrden astam Oqýshylar saraıynda plane­tarıı, murajaı, kitap­ha­na, sport jáne bı zaldary men ózge de bólmeler ornalasady. Qazaqstan tarıhy murajaıy jańa alańǵa jaqyn jerde, “Qazaq Eli” monýmentine taıaý oryn tebedi. Ǵımarat jobasy modern stılinde, biraq qa­zaq­tyń ulttyq naqyshy eskerilip jasalǵan. Kóp keshikpeı Astana qala­synyń eń biregeı qurylys­tarynyń biri jabyq keshen bolmaq – orasan zor kúmbezdiń astynda tolyq ınfraqury­lymy bar bútin bir turǵyn shaǵyn aýdan ornalasady. Jyl mezgi­liniń kez kelgen ýaqytyn­da bul turǵyn keshende turaqty aýa temperatýrasy saqtalady. Joba 10 myń turǵynǵa esep­telgen. Prezıdentke, sondaı-aq tazartý qurylystaryn qaıta qurý jáne Taldykóldegi aǵyn sýlar jınaqtaýshysyn joıý qarastyrylǵan “Astana qala­synda qaıta qalpyna kelti­ri­le­tin “Taldykól” aǵyn sýlar jınaqtaýshysyn joıý” jobasy da tanystyryldy. Sýretti túsirgender S.BONDARENKO, B.OTARBAEV.