Eksporttyq áleýet saqtalady
Aýyl sharýashylyǵy mınıstri Aqylbek Kúrishbaev jumys babymen Aqmola oblysynyń Býrabaı aýdanynda boldy.
Mınıstr áýeli “Býrabaı-2007” JShS-niń egistik alqaptaryn aralap, jumys barysymen tanysty. Bıyl seriktestik 29345 gektar alqapqa dándi jáne burshaq daqyldaryn sepken eken. Sonyń 21 myń gektary bıdaı. Oraqqa kirisken bir apta ishinde 3200 gektar alqaptyń astyǵy bastyryldy. Alymdylyǵy joǵary sheteldik jeti jatka táýlik boıy tynymsyz jumys isteýde. Kanadalyq “Makdonalds” fırmasynyń alymdylyǵy 12 metrlik jatkasynyń ónimdiligi táýligine 240 gektar alqaptyn eginin destege salýǵa múmkindik beredi. Bul “Enıseı” kombaınynyń kórsetkishinen eki esege artyq. Aldyn-ala derekter boıynsha, “Býrabaı-2007” JShS ár gektardan 12 sentnerden ónim alýǵa senimdi.
Budan keıin mınıstr bıylǵy astyq oraǵynyń erekshelikteri týraly jýrnalıstermen suhbat ótkizdi. Onyń aıtýynsha, jaz aılaryndaǵy qýańshylyqqa qaramastan, elimizde astyq jetkilikti dárejede bolady jáne ótken jyldardaǵy deńgeıde astyqty eksportqa shyǵaratyn áleýetimiz bar. Bıyl elimiz boıynsha jalpy kólemi 13-14 mıllıon tonna astyq jınalady dep boljamdanyp otyr. Oǵan qosa, elevatorlarda ótken jyldan qalǵan 6,1 mıllıon tonna astyq taǵy bar. Sony esepke alǵanda, bıylǵy astyq qory ótken jyldardaǵy deńgeıden kem túspeıdi.
Ústimizdegi jylǵy aýa raıynyń erekshelikteri egin ósirýdiń ozyq tehnologııasyn qoldanýdyń artyqshylyqtaryn anyq kórsetip berdi. Qazir elimiz boıynsha 11,2 mıllıon gektar egis alqaby ylǵal únemdegish tehnologııa boıynsha óńdeldi. Bul jalpy egis kóleminiń 67 paıyzyn quraıdy. Aldaǵy ýaqytta mundaı alqaptardyń aýqymyn onan ári kóbeıtý qajet.
Aýyl sharýashylyǵy mınıstri astyq monıtorıngin ótkizýdegi ózgerister týraly da aıtyp ótti. Buryn astyq túsimi týraly aqparattar jergilikti ákimdikter arqyly jınaqtalatyn. Bıyl mundaı málimetterdi statıstıka organdary júrgizedi. Sebebi, sharýashylyqtar astyq túsimi jónindegi aqparattardy dál bermeı, kóbine kemitip kórsetip jatatyn. Bıylǵy jańa erejege saı, jalǵan aqparat bergen sharýashylyqtar zań sheńberinde jaýapkershilikke tartylyp, aldaǵy jyly alatyn sýbsıdııadan qaǵylmaqshy.
Aqylbek Kúrishbaev sondaı-aq, astyq eksporty men bıylǵy astyqtyń baǵasyna da toqtalyp ótti. Bıyl kúzde álem elderinde jalpy kólemi 645 mıllıon tonna astyq jınalady dep kútilip otyr. Bul ótken jylmen salystyrǵanda 35 mıllıon tonnaǵa kem. Reseıdegi jáne birqatar TMD elderindegi eginniń kúıip ketýine oraı, Qazaqstan astyǵyn irgeles elderge shyǵarý múmkindigi týyp otyr. Aýyl sharýashylyǵy mınıstriniń aıtýynsha, bıyl aldyn-ala jasalǵan kelisim boıynsha Ortalyq Azııa elderi men Aýǵanstanǵa 4 mıllıon tonna, Qap taýy elderine 2 mıllıon tonna astyq shyǵarylady. Qalǵan astyqty negizinen irgeles dostastyq elderine shyǵaratyn bolamyz. Álem rynogynda astyq baǵasy ýaqyt ótken saıyn kóterilip keledi. Bunyń ózi dıqan qaýym úshin tıimdi ekendigi belgili jáne bul múmkindikti paıdalanyp qalý qajet.
Aqylbek Kúrishbaev elimizdiń azyq-túlik qaýipsizdigi máselesine de jan-jaqty toqtalyp ótti. Azyq-túlik kelisim-shart korporasııasy bıyl sharýalardan 1,5 mıllıon tonna astyq satyp almaqshy. Oǵan qosa, ótken jyldan qalǵan 2 mıllıon tonna astyq bar. Bul elimizdiń ishki rynogyn astyqpen tolyq qamtamasyz etip, onyń baǵasynyń turaqtylyǵyn saqtaýǵa yqpalyn tıgizedi.
Baqbergen AMALBEK, Aqmola oblysy.
Mınıstr áýeli “Býrabaı-2007” JShS-niń egistik alqaptaryn aralap, jumys barysymen tanysty. Bıyl seriktestik 29345 gektar alqapqa dándi jáne burshaq daqyldaryn sepken eken. Sonyń 21 myń gektary bıdaı. Oraqqa kirisken bir apta ishinde 3200 gektar alqaptyń astyǵy bastyryldy. Alymdylyǵy joǵary sheteldik jeti jatka táýlik boıy tynymsyz jumys isteýde. Kanadalyq “Makdonalds” fırmasynyń alymdylyǵy 12 metrlik jatkasynyń ónimdiligi táýligine 240 gektar alqaptyn eginin destege salýǵa múmkindik beredi. Bul “Enıseı” kombaınynyń kórsetkishinen eki esege artyq. Aldyn-ala derekter boıynsha, “Býrabaı-2007” JShS ár gektardan 12 sentnerden ónim alýǵa senimdi.
Budan keıin mınıstr bıylǵy astyq oraǵynyń erekshelikteri týraly jýrnalıstermen suhbat ótkizdi. Onyń aıtýynsha, jaz aılaryndaǵy qýańshylyqqa qaramastan, elimizde astyq jetkilikti dárejede bolady jáne ótken jyldardaǵy deńgeıde astyqty eksportqa shyǵaratyn áleýetimiz bar. Bıyl elimiz boıynsha jalpy kólemi 13-14 mıllıon tonna astyq jınalady dep boljamdanyp otyr. Oǵan qosa, elevatorlarda ótken jyldan qalǵan 6,1 mıllıon tonna astyq taǵy bar. Sony esepke alǵanda, bıylǵy astyq qory ótken jyldardaǵy deńgeıden kem túspeıdi.
Ústimizdegi jylǵy aýa raıynyń erekshelikteri egin ósirýdiń ozyq tehnologııasyn qoldanýdyń artyqshylyqtaryn anyq kórsetip berdi. Qazir elimiz boıynsha 11,2 mıllıon gektar egis alqaby ylǵal únemdegish tehnologııa boıynsha óńdeldi. Bul jalpy egis kóleminiń 67 paıyzyn quraıdy. Aldaǵy ýaqytta mundaı alqaptardyń aýqymyn onan ári kóbeıtý qajet.
Aýyl sharýashylyǵy mınıstri astyq monıtorıngin ótkizýdegi ózgerister týraly da aıtyp ótti. Buryn astyq túsimi týraly aqparattar jergilikti ákimdikter arqyly jınaqtalatyn. Bıyl mundaı málimetterdi statıstıka organdary júrgizedi. Sebebi, sharýashylyqtar astyq túsimi jónindegi aqparattardy dál bermeı, kóbine kemitip kórsetip jatatyn. Bıylǵy jańa erejege saı, jalǵan aqparat bergen sharýashylyqtar zań sheńberinde jaýapkershilikke tartylyp, aldaǵy jyly alatyn sýbsıdııadan qaǵylmaqshy.
Aqylbek Kúrishbaev sondaı-aq, astyq eksporty men bıylǵy astyqtyń baǵasyna da toqtalyp ótti. Bıyl kúzde álem elderinde jalpy kólemi 645 mıllıon tonna astyq jınalady dep kútilip otyr. Bul ótken jylmen salystyrǵanda 35 mıllıon tonnaǵa kem. Reseıdegi jáne birqatar TMD elderindegi eginniń kúıip ketýine oraı, Qazaqstan astyǵyn irgeles elderge shyǵarý múmkindigi týyp otyr. Aýyl sharýashylyǵy mınıstriniń aıtýynsha, bıyl aldyn-ala jasalǵan kelisim boıynsha Ortalyq Azııa elderi men Aýǵanstanǵa 4 mıllıon tonna, Qap taýy elderine 2 mıllıon tonna astyq shyǵarylady. Qalǵan astyqty negizinen irgeles dostastyq elderine shyǵaratyn bolamyz. Álem rynogynda astyq baǵasy ýaqyt ótken saıyn kóterilip keledi. Bunyń ózi dıqan qaýym úshin tıimdi ekendigi belgili jáne bul múmkindikti paıdalanyp qalý qajet.
Aqylbek Kúrishbaev elimizdiń azyq-túlik qaýipsizdigi máselesine de jan-jaqty toqtalyp ótti. Azyq-túlik kelisim-shart korporasııasy bıyl sharýalardan 1,5 mıllıon tonna astyq satyp almaqshy. Oǵan qosa, ótken jyldan qalǵan 2 mıllıon tonna astyq bar. Bul elimizdiń ishki rynogyn astyqpen tolyq qamtamasyz etip, onyń baǵasynyń turaqtylyǵyn saqtaýǵa yqpalyn tıgizedi.
Baqbergen AMALBEK, Aqmola oblysy.
