Qamdanǵan qapy qalmaıdy

Siz ne deısiz? Bıylǵy jylǵy jerdi qýyr­ǵan aptap ystyq pen qýań­shy­lyq álem­niń keıbir aımaqta­ryn­da tó­tenshe jaǵdaılar týǵyzý­da. Ásire­se, bizben kórshi qonys tep­ken Reseı eliniń ormandary otqa oranyp, til­siz jaý eldi me­ken­­der men ja­syl jelekterdi jal­map barady. Osyǵan baı­la­nysty QR Úkimeti de selektor­lyq májilis ótkizip, aı­maq bas­shylaryna atam qazaqtyń “Saq­tansań – saqtarmyn” degen ataly sózin qadap aıtty. Syr aımaǵynda aǵymdaǵy jy­ly elimizdiń ózge aımaq­ta­ry­men sa­lystyrǵanda aptap ys­tyq erekshe kúsh alǵan. “Egemen Qazaqstan” gazetiniń Qyzylorda oblysyndaǵy menshikti tilshisi Erkin Ábil oblystyq tótenshe jaǵdaılar jónindegi departamenti memlekettik órt baqylaý basqarmasynyń bastyǵy Asqar QOJAQOVQA: – Siz ne deısiz? – Aýa raıyn boljaýshy­lar­dyń aıtýyna sener bolsaq, Syr aımaǵyndaǵy kún ystyǵy qyr­kúıek aıynyń bel ortasyna deıin barmaq. Demek, joǵaryda ózińiz aıtqandaı, qamdanǵan jan qapy qalmasa kerek. Aǵymdaǵy jyl ba­synda oblys ákimdigi órt qaýip­siz­digin boldyrmaý sharalaryn ót­ki­zý­diń kestesin bekitti. Osyǵan baı­lanysty bizdiń mekeme yqpalymen “Orman” jáne “Saıajaı” shara­laryn ótkizdik. Búginde oblys aýmaǵynda or­man jáne janýarlar álemin qor­ǵaý jóninde 8 memlekettik mekeme jumys isteıdi. Eger saralap aıtar bolsam, bizdiń aımaqta 6519,1 myń gek­tar orman qory bar bolsa, onyń 3037 myń gektary jasyl je­lekke oranǵan ormandy jer. Sondaı-aq, oblystyq orman jáne janýarlar álemin qorǵaý jónin­de­gi memlekettik mekemesiniń or­man­dy alqaby 3 mln. 738 myń gek­tardy quraıdy. Osynshama jerdiń qazirgi tańda 4745,5 shaqyrym jeri jyrtylyp, mıneraldy jolaq ja­saldy. Sonymen birge 1036 shaqy­rym jer men jańadan jyrtylǵan 174 shaqyrym jolaq kúndelikti baqylaýǵa alynyp otyr. Sóz oraıy kelgende aıta ke­teıin, árbir adam tilsiz jaýdan saq bolyp, qorshaǵan ortany qor­ǵaý­daǵy jaýapkershilikterin sezine bi­lýge mindetti. Osyny jurtshy­lyq­tyń júrekterine jetkizý maqsa­tyn­da túsinistik, oqý-jattyǵý sha­ralaryn josparly júrgizýdemiz. Bizdiń mamandar apta saıyn saıa­jaı ıeleri men turǵyndar ara­syn­da nasıhat jumystaryn júrgizedi. Búgingi kúnge deıin 471 úıdiń ege­sine órt qaýipsizdigin saqtaý jó­ninde nusqamalar berilse, halyq kóp jınalatyn jerlerge 595 dana únparaqtar ilinip qoıyldy. Ústimizdegi jyly kestege sáı­kes órt-taktıkalyq jattyǵýlaryn ótkizýdemiz. Bul jattyǵýlarǵa tek qana órt sóndirýshiler emes, jer­gi­likti turǵyndar, kólik jáne kom­mýnıkasııa mekemeleri, erikti órt sóndirý qurylymdary, órt poıyz­dary qatysýda. Jaqynda ǵana ótkizilgen osy jattyǵýǵa 150-den as­tam adam men ondaǵan tehnıka qatysty. Bizdiń Syr aımaǵyndaǵy myna bir jáıtti de aıtpasqa bolmas. Or­mandy alqaptardy qorǵaý maq­satynda órt hımııalyq stansalary óte qajet-aq. Sodan da barlyq aýdandarda osyndaı stansalardy ashsaq, quba-qup bolar edi. Sóz sońynda aıtarym, orman­dy alqapty, ony aıtasyz, saıajaı men turǵyn úılerdi, memlekettik ǵımarattardy tilsiz jaýdan qorǵaý – barshamyzǵa ortaq mindet ekenin esten shyǵarmaıyq. Qyzylorda.