Qarymta kezdesýden kútetinimiz kóp

Beısenbi kúni “Aqtóbe” Gollandııanyń “AZ” ko­­man­dasymen fýtboldan Eýropa lıgasynan toptyq týr­nırine joldama beretin alǵashqy irikteý oıynyn ótkizdi. Matchtyń qorytyndy esebi 0:2 bolyp Alkmar Zanstern qalasynyń oıynshylarynyń paıdasyna sheshildi. Kezdesýde aqtóbelikterdiń qaqpasyna doptar oıynnyń birinshi jartysynda soǵyldy. Onyń avtorlary bolyp 20-shy mınótte dop soqqan Hol­man men jeti mınótten keıin esepti ese­legen Vern­blým atandy. Bul matchta “Aqtóbe” sapynda Murat Tileshev, Ivan Perıch, Marat Haırýllın, Alen Bo­no, Halıfa Ba sııaqty oıynshylar sary qaǵazdarǵa baılanysty oı­naǵan joq. Taǵy eki fýtbolshymyz Maqsat Qur­mashov pen Kons­tantın Goloskoı den­saý­lyǵyna baılanysty alańǵa shyǵa almady. Match­ta “Aqtóbe” birinshi taımda jeńilse de oıynnyń ekinshi jartysynda alań ıelerine ese jibermeı oınady. Osy kúni Reseıdiń Novosibir qalasynyń “Si­bir” komandasy sensasııa jasady. О́z alańynda Gol­landııanyń 13 dúrkin chempıony PSV “Eınd­hoven” klýbyn 1:0 esebimen jeńdi. Goldy sibir­lik­ter oıynnyń negizgi ýaqyty bitýine baılanysty berilgen qosymsha 2 mınótte soqty.