Áskerı sherý – armııa aıbynyn aıǵaqtaıdy

Qazaqstan Respýblıkasyna qyzmet etemin! Aldaǵy 30 tamyzda el Konstıtýsııasynyń on bes jyldyq merekesine elordada áskerı sherý ótetini belgili. Atalǵan dástúrli saltanatty sharany oıdaǵydaı ótkizý bıyl elimiz Qarýly Kúshteri Qurlyq áskerleriniń bas qolbasshysy, general-maıor Murat Maıkeevke júktelgen. Osy rette áskerı sherýge daıyndyq barysy jaıynda Murat JÁLELULYN áńgimege tartqan edik. – Murat Jáleluly, Konstı­týsııa kúnine oraı ótkeli otyrǵan bıylǵy áskerı sherýdiń ereksheligi qandaı? Oǵan qansha áskerı qyzmetkerler jumyldyrylǵaly otyr jáne áskerı tehnıka men avıasııanyń sany qansha? – Áskerı sherýge daıyndalyp jatqan arnaıy quramnyń jalpy sany 2244-ti quraıdy. Qarý-jaraq pen áskerı tehnıkalar sany 154 bolsa, áýede 66 áskerı ushaqtar men tikushaqtar óner kórsetetin bolady. Olar 150 metrden 1200 metrge deıingi bıiktikte samǵasa, ushý jyldamdyǵynyń kúshi 100-den 720 shaqyrym saǵat bolmaq. Al ushý ýaqyty 11 mınót. Sondaı-aq 180 adam orkestrde áskerı qyzmet­ker­ler men sherýdi tamashalaýshylarǵa patrıottyq áýendermen rýh berip turady. Jalpy, erekshelik degende biz tank­terdiń alańda bıyl kólik­ter­men emes, shynjyr tabandaryna arnaıy qural kıgizý arqyly ózde­riniń júrip ótýlerin aıtar edik. Bul da syrttan tamashalaýshy jurt­qa erekshe áser beredi dep oılaımyn. – Sherýge qatysý baqytyna ıe bolǵan áskerı qyzmetkerlerdiń psıhologııalyq daıyndyqtary jóninde ne aıtar edińiz? – Olardyń barlyǵy da atalǵan saltanatty sharaǵa qatysatyndyq­taryna sheksiz qýanyshty dep aıtar edim. Men muny daıyndyq bary­syn qadaǵalaǵan qaı kezderi de baı­qap júrmin. Sarbazdar men sardar­lar bul aıtýly merekeniń aldynda ózderine qanshalyqty otanshyldyq rýhtaǵy mindetter júkteletinin anyq sezinedi. Sondyqtan da olar psıhologııalyq turǵyda qazirdiń ózinde júz paıyz daıyn tur dep aıtýǵa bolady. Sózimiz dáleldi bolýy úshin 17 tamyzda Qor­ǵa­nys mınıstri Ádilbek Jaq­sybekovtiń sherýge qa­tysqaly otyrǵan ás­k­e­rılermen birinshi júz­desýinde olarǵa bil­dirgen sheksiz rızashylyǵyn aıtqan jón sekildi. – Estýimizshe bıylǵy sherýde názik jandylar da bir top bolyp sap túzep ótedi deıdi... – Elimiz Qarýly Kúshteriniń san-salasynda qyzmet etetin qyzdarymyz sherý kórkin qyzdyra túsedi dep josparlap otyrmyz. Mundaı arnaıy quram burynǵy sherýlerde bolmaǵan. Iаǵnı, bıyl tuńǵysh ret ótkeli otyr. Olardyń ishinde psıhologtar, tárbıe isi ofı­serleri, is júrgizýshi jáne baıla­nys­shy bolyp áskerı qyzmet atqa­ryp júrgen arýlarymyz bar. Áskerı sherýde sondaı-aq Res­pýb­lıkalyq ulan, Ulttyq qaýip­siz­dik komıteti Shekara qyzmeti, Ishki ister mınıstrliginiń Ishki ásker­leri, Tótenshe jaǵdaılar mınıstr­li­giniń arnaýly bólimderi jáne ás­kerı oqý oryndary kýrsanttary se­kildi ózge de qýatty qurylym qyzmetkerleri sap túzep ótýleri josparlanǵan. Munyń barlyǵy da “Habar” telearnasynan sol kúni tikeleı efırden kórermenderge jol tartady. Bul rette de birshama jumystar júrgizilýde. – Aıtýly sharaǵa daıyndyq dál qaı kúnderi ótedi? – Qazaq eli monýmenti janyn­daǵy bas alańda tamyzdyń 23-i men 28-i aralyǵynda ótedi dep belgi­lengen. Alaıda óz tarapymyzdan ta­ǵy bir pysyqtaý daıyndyqtary ótýi tıis. Al endi basty úlken daı­yndyq 28 tamyzda bolady. Buı­yrt­sa, sherý ótetin kúnnen bir kún bu­ryn barlyǵy da saqadaı saı tu­ra­dy. “Toıdyń bolǵanynan, bola­dy­sy qyzyq” degendeı, ár daıyndyq­ty qaraǵan saıyn erekshe qulpyra túsken sardarlar men sarbazdardy kóremin de, bul sherý oıdaǵydaı ótetinine senimim kúsheıe túsedi. Aıbyndy armııamyzdyń órkendeı túsip, elimizdiń irgesin berik ustaýda sardarlar men sarbazdardyń atqa­rar júgi aýqymdy ekeni aıqyn. Kons­tıtýsııa merekesi kúnine ót­ki­zilgeli otyrǵan áskerı sherý áske­rılerge erekshe serpin beredi dep esepteımin jáne osy rette biz jumyla jumys jasaı beremiz. – Áńgimeńizge rahmet. Áńgimelesken Ábdirahman QYDYRBEK.