О́ńir qaýipsizdiginen – álem tynyshtyǵyna

Keshe Qazaqstan Respýblıkasynyń Prezıdenti Nursultan Nazarbaev Armenııanyń astanasy – Erevan qalasyna kelip, Ujymdyq qaýipsizdik sharty Uıymyna (UQShU) múshe memleketter basshylarynyń beıresmı kezdesýine qatysty. Keshkisin qaladaǵy “Kaskad” kesheninde UQShU-ǵa qatysýshy memleketter basshylarynyń beıresmı kezdesýi boldy. Oǵan Qazaqstan Respýblıkasynyń Prezıdenti Nursultan Nazarbaevpen birge Armenııa Respýblıkasynyń Prezıdenti Serj Sargsıan, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń ótpeli kezeńdegi Prezıdenti Roza Otýnbaeva, Reseı Federasııasynyń Prezıdenti Dmıtrıı Medvedev jáne Tájikstan Respýblıkasynyń Prezıdenti Emomalı Rahmon qatysty. UQShU-ǵa múshe memleket­ter­diń basshylary óńirlik qaýipsizdik problemalaryn sheshýde ózara áre­ket etýdiń eń bir ózekti máse­le­lerin, Qyrǵyzstandaǵy jaǵdaıdy turaqtandyrýǵa járdemdesý jónin­de UQShU qolǵa alǵan jáne jos­par­lap otyrǵan sharalardy, son­daı-aq UQShU aıasynda daǵda­rys­tyq árekettestik bildirýdiń tıimdi júıesin qalyptastyrýdy  tal­qy­lady. Prezıdentter Qyrǵyz­stan­daǵy jaǵdaıǵa baılanysty UQShU bas hatshysy Nıkolaı Bordıýja­nyń habarlamasyn tyńdady. Uıymǵa múshe memleketter bas­shylarynyń  beıresmı kezdesýi­nen soń Reseı Prezıdenti Dmı­trıı Medvedev, Armenııa Prezı­denti Serj Sargsıan jáne UQShU-nyń bas hatshysy Nıkolaı Bor­dıý­ja BAQ ókilderine búgingi kez­desý qorytyndysy týraly aıtyp berdi. Alǵashqy sózdi alǵan Serj Sargsıannyń  aıtýynsha, bul kez­de­sý beıresmı atalǵanymen, ta­bys­ty boldy. О́zekti máseleler tal­qylandy. Onyń ishinde Qyr­ǵyz­standy saıası jaǵynan turaq­tan­dyrý sekildi kúrdeli másele de bar. Reseı Prezıdenti, UQShU-nyń qazirgi tóraǵasy Dmıtrıı Medve­dev búgingi kezdesýge joǵary baǵa be­rip, onda talqylanǵan birqatar máselelerge toqtaldy. Onyń atap ótýinshe, kezdesý barysynda Qyr­ǵyz­standa bolǵan oqıǵalarǵa baı­lanysty ashyq pikir almasyldy. Uıymnyń qurylǵanyna onsha kóp ýaqyt ótpese de, Uıym búginde óńirlik qaýipsizdikti qamtamasyz etip, keıbir kıkiljińderdi beıbit túrde retteýge aıtarlyqtaı yqpal etip keledi. Dmıtrıı Medvedev málimdegenindeı, UQShU elderi Uıym aıasynda da, sondaı-aq Qyr­ǵyzstanmen tikeleı qarym-qaty­nasta da bul eldegi ahýaldy qa­lyp­qa túsirý úshin áreket etýge ázir. Reseı basshysy sondaı-aq Uıym­nyń aldynda turǵan josparlarǵa da toqtalyp ótti. Onyń aıtýynsha, UQShU-ny bolashaqta qaýipsizdikti qamtamasyz etetin iri halyqaralyq uıymdardyń birine aınaldyrýǵa bolady. Bul jóninde Uıymǵa múshe mem­leketterdiń birqatar usynys­ta­ry bar. Ol osy jyldyń jel­toq­sanynda Máskeýde ótetin Uıym­nyń joǵary deńgeıdegi sammıtinde talqylanady. Onda Uıymnyń qyz­­met etý aıasyn keńeıtip, ókilet­tigin nyǵaıtýǵa baılanysty birqa­tar máseleler kún tártibine shyǵarylmaq. Reseı Prezıdenti sondaı-aq búgingi beıresmı kezdesýde Qyr­ǵyz­standy saıası jaǵynan turaq­tandyrý máselesine de basa nazar aýdaryl­ǵa­nyn atap ótti. Bul jó­ninde Qyr­ǵyz­stan Prezıdenti Roza Otýnbaevanyń habarlamasy da tyńdalǵan. Al osy jyldyń jeltoq­sa­nyn­da Reseıdiń UQShU-ǵa tóraǵalyq etý merzimi aıaqtalady. Kelesi jyl­dan bastap tóraǵalyq mindet Be­la­rýs Respýblıkasyna ótedi.  Dmı­trıı Medvedevtiń málim etýinshe, bú­gingi kezdesýde Belarýs Prezı­denti Aleksandr Lýkashenko tór­aǵa­lyqty qabyldap alýǵa daıyn ekendikterin bildirdi. Álısultan QULANBAI  – Erevannan. Sýretterdi túsirgender S.BONDARENKO, B.OTARBAEV.