Halyqaralyq aýqymda konferensııa ótedi

Keshe Syrtqy ister mınıstr­li­ginde atalǵan vedomstvonyń resmı ókili Asqar Abdrahmanovtyń qatysýymen brıfıng ótti. Onda resmı ókil 23-25 tamyz aralyǵynda Tájikstannyń syrtqy ister mı­nıstri Hamrohon Zarıfıdiń As­tanaǵa resmı saparmen keletindigin málimdedi. “Sapar sheńberinde Qazaqstan men Tájikstan Syrtqy ister mınıstrleri keńesiniń birinshi otyrysyn ótkizý josparlanyp otyr. Aldaǵy basqosý barysynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń kó­keı­kesti máseleleri talqylanady”, dedi A. Abdrahmanov. Al 26 tamyzda Astana tórinde Iаdrolyq synaqtarǵa qarsy halyq­aralyq is-qımyl kúnine oraı Qa­zaq­stannyń Syrtqy ister mı­nıstrligi men Birikken Ulttar Uıy­mynyń Qazaqstandaǵy ókildigi bir­lese uıym­dastyratyn konferensııa ótpek. Brıfıng barysynda byltyrǵy jyldyń jeltoqsan aıynda Birik­ken Ulttar Uıymy Bas Assambleıa­synyń qarary 29 tamyz kúnin Iаd­ro­lyq synaqtarǵa qarsy halyq­aralyq is-qımyl kúni retinde be­kit­kendigi, al 1991 jyldyń dál osy kúni Elbasy Nursultan Nazarbaev qol qoıǵan Semeı polıgonyn jabý týraly Jarlyqtyń dúnıejúzilik mańyzy halyqaralyq qaýymdastyq tarapynan laıyqty dárejede moıyndalǵandyǵy atap kórsetildi. Resmı ókildiń aıtýynsha, Astanada ótetin halyqaralyq konferensııa aıasynda sol ıadrolyq synaqtardy toqtatýdyń jáne ıadrolyq qarýdy joıýdyń saıası jaǵdaılarymen qatar, Semeı aýmaǵynyń áleý­mettik-ekonomıkalyq jáne ekolo­gııa­lyq máseleleri men damý bola­sha­ǵy jan-jaqty talqylanbaq. Konferensııaǵa Parlament pen Úkimet, halyqaralyq uıymdardyń, akademııalyq toptardyń jáne azamattyq qaýymdastyqtyń ókil­deri qatysady. Shara qorytyndysynda kon­feren­sııaǵa qatysýshylardyń ha­lyqaralyq qaýymdastyqqa arnaǵan úndeýi jáne Semeı aýmaǵyn ońaltý baǵ­darlamasy men is-áreket jos­pary qabyldanady dep kózdelip otyrǵan kórinedi. A.Abdrahmanov sondaı-aq Shan­haı yntymaqtastyq uıymynyń Hartııasyna sáıkes, 2010 jylǵy 12 maýsymnan bastap uıymdy bir jyl­dyq merzimge Qazaqstan bas­qa­ra­tyn­dyǵy, osyǵan oraı, Qazaq­stannyń osy bedeldi qurylymǵa tóraǵalyq etýi sheńberinde 2011 jyldyń maýsym aıynda Astanada Shanhaı yntymaq­tastyq uıymy qurylýynyń onjyl­dyǵyna arnal­ǵan Memleket basshy­larynyń sam­mıti ótetindigi, osy aıtýly kúnge deıin bir jyldyń ishin­de Shanhaı uıymy sheńberinde Qazaqstan 90-ǵa jýyq túrli is-sharalardyń uıym­das­tyrylýyn úılestiretindigi atap ótildi. Onyń sózine qaraǵanda, bul sharalardyń 30-ǵa jýyǵy elimizde ótedi eken. “Jaqynda Shanhaı yntymaq­tastyq uıymyndaǵy qazaqstandyq tóraǵalyqtyń resmı logotıpi beki­tildi. Resmı logotıpte Shanhaı uıy­mynyń gerbi men onyń tómengi jaǵynda qanat jaıǵan altyn qyrannyń beınesi keltirilgen. Al eki jaǵynan elimizdiń uıymǵa tóraǵalyq etý jyldary – ıaǵnı, 2010-2011 jyldar kórsetilgen”, – dedi bul týrasynda resmı ókil. Láıla EDILQYZY.