Elbasy qabyldady

Memleket basshysy Nursultan Nazarbaev Kólik jáne kommýnıkasııa mınıstri Ábilǵazy Qusaıynovty qabyldady, dep habarlady Qazaqstan Respýblıkasy Prezıdentiniń baspasóz qyzmeti. Á.Qusaıynov vedomstvo jumysynyń bıylǵy jyldyń alǵashqy 7 aıyndaǵy qorytyndylary jaıynda jáne eldiń kólik-kommýnıkasııa keshenin damytýdyń bolashaǵy týraly baıandady. Esepti merzim ishinde Qazaqstanda ótken jylǵy osyǵan sáıkes kezeńmen salystyrǵanda 19 paıyzǵa artyq júk tasymaldanyp, daǵdarysqa deıingi 2007 jylǵy mejege qol jetkizilgen. Jolaýshy tasymaly kóleminiń ósimi 12 paıyzdy qurap otyr. Sonymen qatar áńgime barysynda “Batys Eýropa-Batys Qytaı” avtojoly, “Qorǵas-Jetigen” temir jol jelisi men “О́zen–Túrkimenstanmen memlekettik shekara” tárizdi iri jobalardy iske asyrý barysy týraly sóz qozǵaldy. *  *  * Memleket basshysy Nursultan Nazarbaev Shyǵys Qazaqstan oblysynyń ákimi Berdibek Saparbaevty qabyldady, dep habarlady Qazaqstan Respýblıkasy Prezıdentiniń baspasóz qyzmeti. Kezdesý barysynda B.Saparbaev oblystyń aǵymdaǵy jyldyń ótken 7 aıyndaǵy áleýmettik-ekonomıkalyq damý qorytyndylary týraly baıandady. Esepti kezeńde ónerkásip ónimderiniń óndirisi ótken jyldyń sáıkes kezeńimen salystyrǵanda, 145,3 paıyzǵa ósti. Fızıkalyq kólem ındeksi 115,2 paıyzdy qurady. Oblys boıynsha syrtqy saýda aınalymy eksport úlesi 2,2 ese artýymen 2,3 trıllıon dollardy qurady. Aýyl sharýashylyǵy ónimderi jalpy kóleminiń 119,3 paıyzǵa artýy qamtamasyz etildi. Jumyssyzdyq 12 paıyzǵa tómendedi. Indýstrııalandyrý kartasy boıynsha aǵymdaǵy jyly jalpy quny 155,1 mıllıard teńgeni quraıtyn 12 joba iske asyrylýda. Budan basqa, memlekettik-jeke men­shik áriptestik jáne jeke menshik ınvestısııa ese­binen 34 áleýmettik nysannyń qurylysy júrgizilýde. Prezıdenttiń tapsyrmasyn iske asyrý aıasynda áleýmettik salanyń 72 nysanyn kommýnaldyq men­shikke qaıtarý qamtamasyz etildi, 34 gıdrotehnıkalyq qurylym memlekettik uıymdarǵa bekitip berildi. Kezdesý barysynda kóktemgi sý tasqynynyń zar­daptaryn joıý jónindegi sharalar týraly sóz qozǵaldy. Qazirgi ýaqytta 535 turǵyn úı jáne 7 bilim berý men densaýlyq saqtaý mekemeleri turǵyzylýda. Qurylys kestege sáıkes júrgizilýde –  barlyq nysandar qys bastalǵanǵa deıin paıdalanýǵa beriletin bolady. Sondaı-aq, ákim Memleket basshysyn alda ótetin Qa­zaqstan men Reseı yntymaqtastyǵynyń VII óńir­ara­lyq forýmyna ázirlik barysy týraly habardar etti. Elimiz Prezıdentiniń halyqtyń ál-aýqatyn arttyrýǵa, Shyǵys Qazaqstan oblysynyń áleýmettik-ekonomıkalyq damýynyń negizgi kórsetkishterin oryndaýǵa baǵyttalǵan barlyq tapsyrmalary júzege asyrylatyn bolady, – dedi B.Saparbaev jýrnalısterge arnalǵan brıfıngte.