Aýqymdy sharaǵa ázirlik jolynda

Astanada ótetin Sammıtke deıin 100 kún buryn EQYU-nyń Is basyndaǵy tóraǵasy múshe memleketterdi ortaq synaqtarǵa birlese jaýap izdeýge shaqyrady. Keshe EQYU-nyń Is basyndaǵy tóraǵasy, Qazaqstannyń Memlekettik hatshysy – Syrtqy ister mınıstri Qanat Saýdabaev “56 múshe memleketter kóshbasshylarynyń Astanada 1-2 jeltoqsan aralyǵynda ótetin kezdesýi búgin bizdiń aldymyzda turǵan synaqtar men qaýipterge tıisti jaýap qaıtarýǵa tamasha múmkindik beredi” dep málimdedi. “11 jyldyq úzilisten keıin Qazaqstan Prezıdenti Nursultan Nazarbaevtyń bas­tamasymen alǵash ret uıymdastyry­l­ǵaly otyrǵan Astana Sammıti bizdiń elder men olardyń saıası kóshbasshylaryna, 21-ǵasyrda da óz ózektiligi men qajettiligin joǵaltpaǵan, EQYU negizge alǵan jal­py­ǵa ortaq qaýipsizdik pen yntymaqtas­tyq­ty qamtamasyz etý prınsıpterin álemge pash etkizýge erekshe múmkindik. Sammıtke deıin qalǵan 100 kún ishinde Astanada ótetin sonaý tarıhı kezdesý joǵary maz­mun­dy jáne uıymdasqan deńgeıde ótý úshin jáne EQYU-ǵa múshe memleket­ter­diń kóshbasshylary Vankýverden Vla­dı­vos­tokqa deıin “qaýipsizdik keńistigi” tu­jyrymdamasynan “qaýipsizdik qoǵam­dastyǵyna”, bizdiń ortaq uıymnyń ny­ǵaıýy men jańarýyna jol ashý úshin úl­ken jumys atqarýymyz qajet”, dedi Q.Saýdabaev. EQYU-ǵa múshe memleketter basshy­lary­nyń sońǵy Sammıti 1999 jyly Ystambulda ótken bolatyn. Osy jyly Uıym­nyń Sammıtin ótkizý týraly she­shim Uıym memleketteriniń syrtqy ister mınıstrlerimen Almaty janynda ótken mınıstrlerdiń beıresmı kezdesýinde qol jetkizilgen kelisim nátıjeleri boıynsha 3 tamyz kúni qabyldandy. Astana Sam­mıti Uıym tarıhyndaǵy jetinshi Sammıt bolmaq. Osynyń aldyndaǵy sammıtter 1975 jyly Helsınkıde, 1990 jyly Pa­rıjde, 1992 jyly Helsınkıde, 1994 jyly Býdapeshte, 1996 jyly Lıssabonda jáne 1999 jyly Ystambulda ótken bolatyn. Sammıttiń izashary retinde Varshava, Vena jáne Astanada ótetin úsh bólikten turatyn Sholý konferensııasy bolady. Atalǵan konferensııa 30 qyrkúıekten bastaldy.